وتكەن جىلى وسى ترانسكاسپي باعىتىمەن جۇرەتىن كونتەينەرلىك پويىزدار سانى الدىڭعى جىلمەن سالىستىرعاندا رەكوردتىق ءوسىم كورسەتتى. بۇرناعى جىلى 11 پويىز بولسا, بىلتىر ولاردىڭ سانى 358-گە جەتكەن. بۇل كورسەتكىش 303 ەسە ارتقانىن كورسەتەدى.
«بۇل – ءبىز تەڭىز بولىگىنەن وزىمىزگە تارتىپ الىپ, شوعىرلاندىرعان كولەمدەر. نەگىزىنەن يمپورتتار ء(ازىربايجان, گرۋزيا, تۇركيا). ناقتىراق ايتساق, بۇل كولەمنىڭ شامامەن 60%-ى – ازەربايجان يمپورتى. بۇرىن بۇل تاسىمالدار تەڭىز ارقىلى جۇزەگە اسىرىلاتىن ەدى», دەدى ا.قاپار.
سونداي-اق ول قازىرگى كەزدە, اسىرەسە قىتاي باعىتىندا تاسىمال كولەمىنىڭ جەتكىلىكسىزدىگى سەزىلەتىنىن تىلگە تيەك ەتتى. باستاپقىدا ناۋرىز بەن ءساۋىر ايلارىندا ءوسىم بولادى دەپ كۇتىلگەنىمەن, ازىرگە بۇل بولجام ورىندالماعان.
«قازىرگى تاڭدا كولەمدەر تولىق قالپىنا كەلمەدى. وتكەن جىلى بارلىق ترانزيتتىك باعىتتار بويىنشا ءوسىم بولدى – 1 ملن 395 مىڭ جفە (جيىرما فۋتتىق ەكۆيۆالەنت), بۇل 2023 جىلمەن سالىستىرعاندا 9%-عا كوپ. بيىل بۇل كورسەتكىش تومەندەپ كەلەدى, دەگەنمەن ءبىز كولەمنىڭ ارتۋىن كۇتىپ وتىرمىز. باستاپقىدا ءوسىمدى ناۋرىز-ءساۋىر ايلارىندا كۇتكەن ەدىك, الايدا قازىرگى كۇنى ول قالپىنا كەلگەن جوق. سوندىقتان ەندى مامىر ايىندا ارتادى دەپ ۇمىتتەنەمىز. ءبىز كولەمنىڭ تومەندەۋىن ترانسكاسپي باعىتى بويىنشا دا بايقاپ وتىرمىز. قاڭتاردا جاقسى كورسەتكىش بولدى – 56 پويىز, ناۋرىزدا – 16, ال ساۋىردە – 10 پايىز», دەدى سپيكەر.
