وتاعاسى اسحات 35411 اسكەري ءبولىمىنىڭ بارلاۋ روتاسىنىڭ تەحنيگى بولسا, مادينا 44736 اسكەري ءبولىمىنىڭ قۇپيا بولىمشەسىنىڭ باستىعى لاۋازىمىندا ىستەيدى. اسحات ۇجىمدا زور قۇرمەتكە يە, قىزمەتكە دەگەن قۇلشىنىسى جوعارى, ءوز ءىسىنىڭ ناعىز شەبەرى. 20 جىلعا جۋىق ەڭبەك ءوتىلى بار ول قىزمەت باراسىندا ءىىى جانە ءىى دارەجەلى ء«مىنسىز قىزمەتى ءۇشىن» توسبەلگىلەرىمەن ماراپاتتالعان. ال 2024 وقۋ جىلىنىڭ قورىتىندىسى بويىنشا جاۋىنگەرلىك دايارلىق بويىنشا «ۇزدىك اسكەري قىزمەتشى» اتانعان. قازىر اسحات ەلىمىزدى قورعاۋدا ءوز ۇلەسىن قوسىپ جۇرگەن مەملەكەتتىك قىزمەتكەرلەردىڭ ءبىرى.
«ەكەۋمىزدە اسكەري سالادا قىزمەت ەتىپ جۇرگەنىمىز مەنى قۋانتادى. سەبەبى اسكەري ورتا وتانسۇيگىشتىككە, ەلىمىزدىڭ ناعىز پاتريوتى بولۋعا تاربيەلەيدى. سونداي-اق بالالاردىڭ تاربيەسىنە دە اسەر ەتەدى دەپ ويلايمىن», دەيدى اسحات.
اسكەر قاتارىنا جولداسىنان كەيىن قوسىلسا دا مادينانىڭ جەتىستىكتەرى از ەمەس. وتباسى مەن قىزمەتتى قاتار الىپ جۇرگەن ول دا وتكەن وقۋ جىلىنىڭ قورىتىندىسى بويىنشا ۇزدىكتەر قاتارىنان كورىنىپتى. مادينا اسكەر قاتارىندا ەرلەرمەن قاتار يىق تىرەسىپ ۇزاق جىلدار بويى ەڭسەلى ەڭبەك ەتىپ جۇرگەن اياۋلى جار. كەڭ پەيىلدى, مەيىرىمى مول, جايدارى مىنەزىنىڭ ارقاسىندا قىزمەتتەستەرىنىڭ ىقىلاسىنا بولەنگەن. وسى ەڭبەگى باعالانىپ جاقىندا مەملەكەتتىك قۇپيالاردى قورعاۋ قىزمەتىنىڭ كۇنىنە وراي قۇرلىق اسكەرلەرى باس قولباسشىسىنىڭ اتىنان قىزمەتتىك مىندەتتەردى ادال ورىنداعانى جانە جوعارى اسكەري كاسىپتىلىك بىلىكتىلىگى ءۇشىن گراموتامەن ماراپاتتالىپتى.
ادام ومىرىندەگى باستى قۇندىلىق – وتباسىن قۇرىپ, ۇرپاق ءوربىتۋ بولسا, سونىڭ ىشىندە ايەل زاتىنىڭ نەگىزگى مىندەتى – ومىرگە ۇرپاق اكەلىپ, انا اتانۋ. مادينا نۇرعازىقىزى مەن اسحات اسان ۇلى وتباسىلارىندا ءۇش بالا تاربيەلەپ وتىر. بۇگىندە بالالارىنىڭ ۇلكەنى 10 سىنىپتا وقيتىن ايدانا «التىن بەلگى» توسبەلگىسىنە ۇمىتكەر بولسا, ورتانشىسى ءمولدىر 7 سىنىپتى وزات اياقتاعالى وتىر. ال كەنجە ۇلدارى ءالتايىر بالاباقشا تاربيەلەنۋشىسى.
«اسكەري قىزمەتشى بولۋ مەن ءۇشىن ۇلكەن ابىروي. ارينە كەز كەلگەن جۇمىستىڭ وڭايى جوق. قازاقتا «انا ءبىر قولىمەن بەسىكتى تەربەتسە, ەكىنشى قولىمەن الەمدى تەربەتەدى» دەگەن جاقسى ءسوز بار. ياعني, وتباسى مەن قاتار بالا تاربيەلەۋ سەكىلدى بيىك مىندەتتەر جۇكتەلگەن. مىنە, وسىنىڭ بارلىعىن نازىك جاندار قينالماي قىزمەتتى قوسا اتقارىپ كەلەدى. وسىنىڭ بارلىعى ايەل جۇرەگىنىڭ مەيىرىمىنىڭ شەكسىزدىگى دەپ بىلەمىن», دەيدى مادينا.
وتان ءۇشىن ادال قىزمەت ەتىپ, ەڭبەكتە دە, وتباسىندا دا ورتاق جەتىستىكتەرگە جەتىپ جۇرگەن وتباسى بۇگىندە كوپكە ۇلگى بولىپ وتىر. اسكەري سالانىڭ تىزگىنىن ۇستاعان جاراسىمدى جۇپتىڭ الداعى ارمانى دا ورتاق, ول ء–وسىپ كەلە جاتقان بالالارىن ۇلكەن ومىردە جولدارىن تابۋعا كومەكتەسۋ. ۇرپاقتارىن بىرگە ءوسىرىپ, ەلىمىزدىڭ پاتريوتى ەتىپ تاربيەلەۋ.
