فوتو: اشىق دەرەككوز
قۇجاتتا سوڭعى ۋاقىتتا ۇشاقتاعى تارتىپكە بايلانىستى جولاۋشىلاردان تۇسكەن شاعىمدار سانىنىڭ ارتقانى جانە SHGM جۇرگىزگەن تەكسەرىستەر ناتيجەسىندە ءتارتىپ بۇزۋشىلىقتاردىڭ جيىلەگەنى اتاپ وتىلگەن. اتاپ ايتساق, ۇشاق تولىق توقتاماي تۇرىپ, ورنىنان ەرتە تۇرىپ, دالىزگە شىعۋ, قاۋىپسىزدىك بەلدىكتەرىن شەشىپ, باگاج سورەلەرىن اشۋ جانە ەكيپاج ەسكەرتۋلەرىنە قۇلاق اسپاۋ.
مۇنداي ارەكەتتەر جولاۋشىنىڭ ءوز قاۋىپسىزدىگىنە عانا ەمەس, وزگەلەر مەن ۇشاق ىشىندەگى م ۇلىككە دە قاتەر توندىرەدى. وسىعان بايلانىستى بارلىق اۆياكومپانيالارعا قاۋىپسىزدىك ەرەجەلەرىن كۇشەيتۋ تاپسىرىلىپ, رەيس بارىسىندا تەمەكى شەگۋگە تىيىم سالۋ مەن قاۋىپسىزدىك بەلدىگىن تاعۋ تۋرالى مىندەتتى حابارلاندىرۋ جاساۋ ەنگىزىلدى.
Turkish Airlines كومپانياسى بۇل وزگەرىستەر جونىندە ءوز بورتسەرىكتەرىن الدىن الا حاباردار ەتكەن. ايىپپۇلدىڭ ناقتى كولەمى ازىرگە بەلگىسىز, الايدا SHGM ونىڭ زاڭ اياسىندا قولدانىلاتىنىن اتاپ ءوتتى.
