بريفينگتە بيىل ماگيستراتۋراعا 120, دوكتورانتۋراعا 12 مەملەكەتتىك گرانت بولىنگەنى ايتىلدى. 2025 جىلى وقۋعا تۇسەتىندەردى جاڭا تالاپ, جاڭارعان ءبىلىم باعدارلامالارى مەن تسيفرلىق مەملەكەتتىك باسقارۋعا بايلانىستى جاڭا باعىتتار كۇتىپ تۇر. ارىز-ءوتىنىشتى Admission اقپاراتتىق جۇيەسى ارقىلى بيىلعى 25 ماۋسىمعا دەيىن ونلاين فورماتتا جولداۋعا بولادى.
ىرىكتەۋ جۇمىسى ەكى كەزەڭنەن تۇرادى: 28 ماۋسىم مەن 1 شىلدە ارالىعىندا وتەتىن ءبىرىنشى كەزەڭدە – ونلاين-فورماتتا ساراپتامالىق ەسسە جازىلادى. دوكتورانتۋراعا ۇمىتكەرلەر ءبىرىنشى كەزەڭدە Research proposal باعالانادى. شىلدەنىڭ 8-23 ارالىعىنداعى ەكىنشى كەزەڭدە اكادەميادا سۇقبات وتەدى.
بايقاۋدىڭ ارالىق قورىتىندىسى 25 شىلدە كۇنى جاريالانادى. قورىتىندى شىققان سوڭ, تالاپكەرلەر 7 تامىزعا دەيىن قۇجات تاپسىرىپ ۇلگەرۋى كەرەك. وقۋ 1 قىركۇيەكتە باستالادى.
«اكادەميادا وقۋدىڭ ارتىقشىلىعىن دا ايتا كەتكىمىز كەلەدى. بۇل جەردە وقۋدى پراكتيكامەن ۇشتاستىرىپ, كاسىبي تۇرعىدا شىڭدالۋعا مۇمكىندىك مول. تۇلەكتەر قىزمەتتەگى اداممەن بىردەي ستيپەنديا الىپ, شەتەلگە تاجىريبە الماسۋعا بارىپ قايتۋى مۇمكىن, عىلىمي زەرتتەۋ دە جاساي الادى, جوبانى قورعاي الادى, جاس مەملەكەتتىك قىزمەتكەرلەر ۇيىندە تۇرىپ, تاجىريبەلى پروفەسسورلار مەن ەكسپەرتتەردەن ءتالىم الادى», دەپ اتاپ ءوتتى اينۇر يدريسوۆا.
