فوتو: dairynews.today
بۇعان كوكتەمگى اۋا رايىنىڭ جىلى بولۋى اسەر ەتكەن. وسى ەگىن ماۋسىمىندا توپىراق ىلعالدىعىلى جەتكىلىكسىز بولعاندىقتان, وڭتۇستىك وڭىرلەردە ەگىستىكتەردىڭ سۋ تۇتىنۋى 50 پايىزعا ارتقان. مينيستر بۇل جاعداي سۋارۋ كوزدەرىنە قوسىمشا اۋىرتپالىق تۇسىرەتىنىن ايتتى
«قازاقستانداعى جالپى سۋ تۇتىنۋدىڭ 60%-دان استامى اۋىل شارۋاشىلىعىنا تيەسىلى. جىل سايىن سۋارۋ ءۇشىن پايدالانىلاتىن 12 تەكشە مەتر سۋدىڭ 98%-ى وڭتۇستىك بەس ايماقتا تۇتىنىلادى», دەدى نۇرجان نۇرجىگىتوۆ.
مينيستر كەلتىرگەن دەرەككە ساي 1 ساۋىردەگى جاعداي بويىنشا وڭتۇستىك وڭىرلەردىڭ سۋ قويمالارىندا 26 ملرد تەكشە مەتر سۋ جينالعان. بۇل وتكەن جىلدىڭ سايكەس كەزەڭىمەن سالىستىرعاندا 171 ملن تەكشە مەترگە از.
وسىعان بايلانىستى ۇكىمەت باسشىسى اۋىل شارۋاشىلىعىنا سۋ ۇنەمدەۋ تەحنولوگيالارىن ەنگىزۋ جۇمىسىن جانداندىرۋدى تاپسىردى.
ولجاس بەكتەنوۆ كليماتتىق سىن-قاتەرلەردىڭ كۇشەيۋى مەن قولجەتىمدى سۋ قورلارىنىڭ قىسقارۋى جاعدايىندا ديقانداردى قاجەتتى سۋ رەسۋرستارىمەن قامتاماسىز ەتۋگە جۇيەلى ءتاسىل قاجەتتىگىنە نازار اۋداردى.
«ىلعالدى كوپ تالاپ ەتەتىن داقىلدارعا تاۋەلدىلىكتى ازايتۋ شارالارىن قابىلداۋ, عىلىمي ينستيتۋتتاردى جۇمىلدىرا وتىرىپ, شارۋالاردىڭ قۇرعاقشىلىققا ءتوزىمدى اگروتەحنولوگيالارعا كوشۋى بويىنشا جەر-جەردە ءتۇسىندىرۋ جۇمىستارىن جانداندىرۋ كەرەك.
دەگەنمەن, اۋا رايىنىڭ ىقتيمال قولايسىز بولۋى بولاشاق ەگىننىڭ ساپاسى مەن كولەمىنە اسەر ەتپەۋى كەرەك. ءتيىستى شارالاردى الدىن الا قابىلداۋ قاجەت», دەدى ولجاس بەكتەنوۆ.
پرەمەر-مينيستر سۋ رەسۋرستارى جانە يرريگاتسيا مينيسترلىگىنە قارجى مينيسترلىگى, وبلىس اكىمدىكتەرىمەن بىرلەسىپ, سۋ تاپشىلىعى قاۋپى جوعارى وڭىرلەردى باسىم تارتىپپەن قارجىلاندىرۋدى جانە ديقانداردىڭ تامشىلاتىپ جانە جاڭبىرلاتىپ سۋارۋعا كوشۋىن ىنتالاندىرۋ جونىندەگى شارالار كەشەنىن كوزدەي وتىرىپ, اۋىل شارۋاشىلىعىنا سۋ ۇنەمدەۋ تەحنولوگيالارىن ەنگىزۋ جۇمىسىن جانداندىرۋدى تاپسىردى.
