فوتو: Facebook / @Koichiev Arslan
بۇل تۋرالى قىرعىزستان پرەزيدەنتىنىڭ ءباسپاسوز حاتشىسى اسكات الاگوزوۆ مالىمدەدى. ونىڭ ايتۋىنشا, بۇل باستاما سادىر جاپاروۆقا تيەسىلى.
«سادىر جاپاروۆ بۇل شەشىم تۋرالى قاسىم-جومارت توقاەۆقا رەسەيگە جاساعان جۇمىس ساپارى بارىسىندا حابارلاعان. ۇلى وتان سوعىسى جىلدارىندا كەمەل توقاەۆ قازىرگى №33 مەكتەپتە ورنالاسقان فرۋنزە اسكەر ۋچيليششەسىندە وقىعان. ءدال وسى جەردەن ول مايدانعا اتتانعان», دەپ جازادى Kaktus.media باسىلىمى.
2025 جىلعى 9 مامىردا رەسەي پرەزيدەنتى ۆلاديمير پۋتين قاسىم-جومارت توقاەۆقا گۆارديا سەرجانتى كەمەل توقاەۆقا قاتىستى ماراپات پاراعىن بەرگەن. قۇجات رەسەي قورعانىس مينيسترلىگىنىڭ ارحيۆىنەن الىنعان.
ول كەڭەس وداعىنىڭ باتىرى اتاعىنا ۇسىنىلعان. الايدا بۇل اتاق كەمەل توقاەۆقا بەرىلمەگەن.
ايتا كەتەيىك, كەمەل توقاەۆ پولشا جەرىندەگى شايقاستاردا كورسەتكەن ەرلىگى مەن باتىرلىعى ءۇشىن ءىى دارەجەلى وتان سوعىسى وردەنىمەن ماراپاتتالعان.
