فوتو: ساۋدا جانە ينتەگراتسيا مينيسترلىگى
LuLu Group – ءباا, ساۋد ارابياسى, كاتار جانە پارسى شىعاناعىنىڭ باسقا دا ەلدەرىندە 280-نەن استام گيپەرماركەتتەر جەلىسىن باسقاراتىن جەتەكشى ريتەيلەر. كومپانيا قازاقستانمەن بىرلەسكەن جوبالاردى ىسكە اسىرۋعا جوعارى قىزىعۋشىلىق ءبىلدىرىپ, اۋىل شارۋاشىلىعى ونىمدەرىن – سيىر ەتى, قوي ەتى, قۇس ەتى, جۇمىرتقا, ءسۇت ونىمدەرى, استىق پەن جەمىستەردى ەكسپورتتاۋ ماسەلەلەرىن تالقىلادى. سونىمەن قاتار, ەت وڭدەۋ جانە جەمىس ونىمدەرىن وڭدەۋ سالالارىنداعى بىرلەسكەن ءوندىرىس پەرسپەكتيۆالارى قارالدى.
قازاقستان تاراپى LuLu كومپانياسىنا ەلىمىزدە لوگيستيكالىق حاب قۇرۋدى ۇسىندى. بۇل ورتالىقتا ءونىمدى سۇرىپتاپ, قاپتاپ, ەكسپورتتىق پارتيالارعا دايىنداۋ جۇزەگە اسىرىلىپ, ونى پارسى شىعاناعى ەلدەرى مەن وزگە دە حالىقارالىق نارىقتارعا جەدەل جونەلتۋ مۇمكىندىگى پايدا بولادى.
مينيسترلەر LuLu جوباسىن جۇزەگە اسىرۋدا جان-جاقتى قولداۋ كورسەتۋگە دايىن ەكەندىكتەرىن مالىمدەدى. اتاپ ايتقاندا, ينفراقۇرىلىمدى قامتاماسىز ەتۋ, لوگيستيكانى ۇيىمداستىرۋ جانە مەملەكەتتىك ورگاندار تاراپىنان قاجەتتى كومەكتى ۇسىنۋ شارالارى ۇسىنىلدى.
بۇل كەزدەسۋ قازاقستان ءۇشىن ەكسپورتتىق الەۋەتتى كۇشەيتۋگە جانە وتاندىق ونىمدەردى الەمدىك نارىققا شىعارۋعا باعىتتالعان ماڭىزدى قادام بولدى. قازاقستان تاراپى LuLu Group-پەن ودان ءارى پراكتيكالىق ىنتىماقتاستىقتى دامىتۋعا مۇددەلى ەكەنىن راستادى.
