قازاقستاندا ەڭ جوعارى ەڭبەكاقى قاي سالالاردا تىركەلدى

ۇلتتىق ستاتيستيكا بيۋروسىنىڭ مالىمەتىنشە, كەيبىر سالالاردا قىزمەتكەرلەردىڭ ايلىعى ءبىر جارىم ميلليون تەڭگەگە دەيىن جەتكەن.

ەڭ جوعارى جالاقى – 1 434 506 تەڭگە – قارجى جانە ساقتاندىرۋ سالاسىنداعى كومەكشى قىزمەت تۇرلەرىندە جۇمىس ىستەيتىندەرگە تولەنگەن.

سونداي-اق كەلەسى سالالاردا ورتاشا جالاقى 1 ميلليون تەڭگەدەن اسىپ تۇسكەن:

• كومپيۋتەرلىك باعدارلامالاۋ, كەڭەس بەرۋ جانە باسقا دا ءىت-قىزمەتتەر – 1 329 063 تەڭگە

• جىلجىمايتىن م ۇلىكتى ساتۋ – 1 248 068 تەڭگە

• باسقارۋ ماسەلەلەرى بويىنشا كەڭەس بەرۋ – 1 176 893 تەڭگە

• قۇبىر ارقىلى تاسىمالداۋ قىزمەتى – 1 055 692 تەڭگە

• ساقتاندىرۋ, قايتا ساقتاندىرۋ جانە زەينەتاقىمەن قامسىزداندىرۋ (مىندەتتى الەۋمەتتىك قامسىزداندىرۋدان تىس) – 1 045 041 تەڭگە

• تەڭىز جانە جاعالاۋ جۇك تاسىمالى – 1 042 752 تەڭگە

• اۋە جولاۋشىلار تاسىمالى – 1 032 605 تەڭگە

• سۋ كولىگى قىزمەتى – 1 026 145 تەڭگە

• جالپى اۋە كولىگى قىزمەتى – 1 022 311 تەڭگە

بۇل كورسەتكىشتەر ەلدەگى كەيبىر سالالاردا مامانداردىڭ جوعارى سۇرانىسقا يە ەكەنىن, سونداي-اق ەڭبەك نارىعىنىڭ بەلگىلى ءبىر باعىتتاردا بەلسەندى دامىپ جاتقانىن كورسەتەدى.