وبلىس اكىمى جامبىلدىق ۇلى وتان سوعىسى ارداگەرلەرىنە ەل پرەزيدەنتى قاسىم-جومارت توقاەۆتىڭ قۇتتىقتاۋ حاتى مەن « ۇلى وتان سوعىسىنداعى جەڭىسكە 80 جىل» مەرەكەلىك مەدالىن سالتاناتتى تۇردە تابىستادى.
ەربول قاراشوكەەۆ الدىمەن 99 جاستاعى ءمۇتالىپ ەرەجەپباەۆتىڭ شاڭىراعىندا بولدى. تالاس اۋدانىنىڭ تۋماسى 1944 جىلى اسكەر قاتارىنا شاقىرىلىپ, جەڭىستەن كەيىن ايگىلى برەست قالاسىن قالپىنا كەلتىرۋگە قاتىسقان. 1950 جىلى ەلگە ورالىپ, پارتيا جۇمىستارىنا بەلسەنە ارالاسىپ, جۋرناليستيكا سالاسىندا جەمىستى ەڭبەك ەتكەن. II دارەجەلى وتان سوعىسى وردەنى مەن ءتۇرلى مەدالدارمەن, قۇرمەت گراموتالارىمەن ماراپاتتالعان. شىعارماشىلىقتى جانىنا سەرىك ەتكەن قاريانىڭ بىرنەشە جيناعى جارىق كورگەن. بۇگىندە ومىرلىك سەرىگىمەن بىرگە ۇرپاعىنىڭ ورتاسىندا, نەمەرە-شوبەرەسىنىڭ قىزىعىنا بولەنىپ وتىر.
بۇدان سوڭ ءوڭىر باسشىسى گەننادي يۆانوۆتى قۇتتىقتادى. گەننادي يۆانوۆ 1926 جىلى دۇنيەگە كەلگەن. 1943 جىلى نەبارى 17 جاسىندا قىزىل ارميا قاتارىنا الىنىپ, 1945 جىلدىڭ ماۋسىم ايىنا دەيىن مايدان شەبىندە جاۋىنگەرلىك ەرلىك كورسەتكەن. سوعىستان كەيىن اسكەري قىزمەتىن جالعاستىرعان. زاپاسقا شىققان سوڭ پەداگوگيكالىق ينستيتۋتتى اياقتاپ, ۇزاق جىل بويى قالا مەكتەپتەرىندە ماتەماتيكا پانىنەن ساباق بەرگەن. II دارەجەلى وتان سوعىسى وردەنى جانە 12 مەرەكەلىك مەدالمەن ماراپاتتالعان.
سوڭىرا ەربول قاراشوكەەۆ شالدانباي شانباەۆ, يۆان ماكەەۆ جانە گريگوري نەششەرەتنەۆكە دە مەملەكەت باسشىسىنىڭ قۇتتىقتاۋىن جەتكىزىپ, مەرەكەلىك ماراپاتتارىن تابىستادى.
جامبىل وبلىسى
