قازاقستان سيرەك جانە سيرەك جەر مەتالدارىنىڭ جاھاندىق نارىعىنداعى پوزيتسياسىن نىعايتتى

بۇگىنگى تاڭدا ەلىمىزدە سيرەك جانە سيرەك جەر ەلەمەنتتەرىنىڭ 100-دەن استام كەن ورىندارى اشىلدى, ونىڭ ىشىندە قۇرىمساق, بالا-ساۋىسقاندىق, اقبۇلاق, قۇندىباي, ۆەرحنەە-ەسپە جانە ت.ب. قازاقستاندا ەۋروپالىق وداق ەكونوميكاسى ءۇشىن ماڭىزدى 34 سيرەك جەر ەلەمەنتىنىڭ 19-ى وندىرىلەدى, ونىڭ ىشىندە بەريللي, تانتال, نيوبي جانە رەني – ولار ەلەكترونيكا, قورعانىس, ەنەرگەتيكا جانە تەلەكوممۋنيكاتسيا سالالارىندا قولدانىلاتىن مەتالدار.

ەلدىڭ مينەرالدىق-شيكىزاتتىق بازاسى مىناداي قورلاردى قامتيدى:

• ۆولفرام – 2,4 ملن. توننا

• موليبدەن – 1 ملن. توننا

• ليتي – 226,9 مىڭ توننا

• تانتال – 4,6 مىڭ توننا

• نيوبي – 27,2 مىڭ توننا

• بەريللي – 117,5 مىڭ توننا

مينەرالدى شيكىزاتتى كەشەندى وڭدەۋ كەزىندە الىناتىن سەلەن, تەللۋر, گەرماني, گاللي جانە سكاندي سياقتى ميكروەلەمەنتتەر ەرەكشە قۇندى.

مەملەكەتتىك ساياساتتىڭ باعىتى قازاقستاندا سيرەك جانە سيرەك جەر مەتالدارىن وڭدەۋدى تەرەڭدەتۋ, جاڭا وندىرىستىك قۋاتتاردى قۇرۋ, سونداي-اق ەكسپورتقا باعىتتالعان, باسەكەگە قابىلەتتى ءونىم شىعارۋ بولىپ تابىلادى. ۇكىمەت «شيكىزاتتىڭ ورنىنا ينۆەستيتسيا مەن تەحنولوگيالار» فورمۋلاسىن قولدانا وتىرىپ, حالىقارالىق سەرىكتەستەردى بەلسەندى تۇردە تارتىپ جاتىر.

2040 جىلعا قاراي ماڭىزدى ماتەريالدارعا جاھاندىق سۇرانىس ءتورت ەسەگە ارتادى دەپ بولجانعان كەزدە قازاقستان جاھاندىق جوعارى تەحنولوگيالىق سالالار ءۇشىن ستراتەگيالىق شيكىزاتتى سەنىمدى جانە تۇراقتى جەتكىزۋشى رەتىندەگى پوزيتسياسىن نىعايتىپ كەلەدى.