2025 جىلدىڭ 15 ساۋىرىندە جالپى سوماسى 5,6 ميلليارد تەڭگەنى قۇرايتىن كەلىسىمشارت جاسالىپ, ءتورت سۋبۇرقاق كەشەنىن جاڭعىرتۋ باستالدى.
اكىمنىڭ بايانداماسىندا سايران كولىن اباتتاندىرۋ جانە الماتىداعى قوعامدىق كەڭىستىكتەردى دامىتۋ بارىسى دا قامتىلعان.
بۇگىندە سايران كولىنىڭ ماڭايىنداعى جۇمىستاردىڭ 90 پايىزى اياقتالعان. جوبا اياسىندا گەرمانياداعى «Lorberg» پيتومنيگىنەن اكەلىنگەن, بيىكتىگى 6 مەتردەن اساتىن 200 ءىرى اعاش پەن 3 300-دەن استام بۇتا وتىرعىزىلدى.
سونىمەن قاتار, قوعامدىق كەڭىستىكتى كەڭەيتۋ ماقساتىندا نازارباەۆ داڭعىلى مەن گاندي كوشەسىنىڭ قيىلىسىندا جاڭا سكۆەر سالىنىپ جاتىر. مۇندا بيىكتىگى 6 مەتردەن جوعارى 50 اعاش وتىرعىزىلعان. قازىر بۇل اۋماقتا سۋ رەزەرۆۋارى ازىرلەنىپ, ينجەنەرلىك جەلىلەر تارتىلۋدا.
