فوتوكوللاج: Azattyq Rýhy
بۇعان قوسا, زاڭسىز سۋ پايدالانۋ دەرەكتەرىنە سايكەس 6,4 ميلليون تەڭگەنىڭ 35 اكىمشىلىك ايىپپ ۇلى سالىنعان. بۇل كورسەتكىشتىڭ ىشىندە جوسپاردان تىس جۇرگىزىلگەن تەكسەرۋلەر نەگىزىندە 1,4 ملن تەڭگەگە 12 ايىپپۇل, ال قۇقىق قورعاۋ جانە مەملەكەتتىك ورگانداردىڭ جولداعان ماتەريالدارى بويىنشا 5 ملن تەڭگەگە 23 ايىپپۇل قاراستىرىلعان.
سۋ رەسۋرستارى جانە يرريگاتسيا مينيسترلىگىنە قاراستى باسسەيندىك ينسپەكتسيالار جىل باسىنان بەرى 13 تەكسەرۋ جۇرگىزىپ, 8 زاڭبۇزۋشىلىقتى تىركەدى. انىقتالعان كەمشىلىكتەردى جويۋ ءۇشىن 7 ۇيعارىم بەرىلگەن. بۇل جۇمىستار سۋ پايدالانۋداعى ءتارتىپتى ارتتىرۋعا باعىتتالعان باقىلاۋ شارالارىنىڭ جالعاسىپ جاتقانىن اڭعارتادى.
سالىستىرمالى تۇردە العاندا, 2024 جىلى سۋ زاڭناماسىنىڭ تالاپتارىن ساقتاماعانداردان 556 اكىمشىلىك قۇقىق بۇزۋشىلىق بويىنشا 44,5 ميلليون تەڭگە وندىرىلگەن بولاتىن. سول كەزەڭدە 439 تەكسەرۋ جۇرگىزىلىپ, 1855 قۇقىق بۇزۋشىلىق انىقتالعان.
2023 جىلى سۋ رەسۋرستارىن رەتتەۋ, قورعاۋ جانە پايدالانۋ كوميتەتى قۇرىلعاننان كەيىن بۇل باعىتتاعى جۇمىس جۇيەلەنە ءتۇستى. سۋ ينسپەكتورلارىنىڭ سانى 98 ادامنان 210-عا دەيىن كوبەيتىلىپ, كادرلىق الەۋەت ارتتىرىلدى. سونىمەن قاتار جاڭا سۋ كودەكسى قابىلدانىپ, باسسەيندىك ينسپەكتسيالارعا باقىلاۋ جۇرگىزۋ قۇزىرەتى بەرىلدى. ەندى ولار قۇقىق بۇزۋشىلىق انىقتالعان جاعدايدا جەدەل ارەكەت ەتۋگە مۇمكىندىك الدى.
سۋ رەسۋرستارى جانە يرريگاتسيا ۆيتسە-ءمينيسترى نۇرلان الدامجاروۆتىڭ ايتۋىنشا, اكىمشىلىك قۇقىق بۇزۋشىلىقتار تۋرالى كودەكسكە ەنگىزىلگەن تۇزەتۋلەر ارقىلى سۋ سالاسىنداعى زاڭ بۇزۋشىلىقتار ءۇشىن جاۋاپكەرشىلىك تە كۇشەيتىلگەن.
سۋ رەسۋرستارى – تابيعي ءارى ستراتەگيالىق ماڭىزى بار قور. ونى ۇتىمدى ءارى زاڭدى پايدالانۋ, ەڭ الدىمەن, ەكولوگيالىق تۇراقتىلىق پەن سالالىق ءتارتىپتىڭ ساقتالۋىنا ىقپال ەتەدى. جاسالعان شارالار وسى باعىتتاعى جۇمىستى جانداندىرۋعا جانە كولەڭكەلى تۇتىنۋ فاكتىلەرىن ازايتۋعا نەگىز بولىپ وتىر.
