فوتو: اشىق دەرەككوز
«وتان قورعاۋ – ەر ەنشىسى» دەگەن حالىق دانالىعىن كەلتىرە وتىرىپ, اشىمباەۆ ەلىمىزدىڭ كەڭ بايتاق جەرىنىڭ قاۋىپسىزدىگىن قامتاماسىز ەتىپ جۇرگەن اسكەري قىزمەتشىلەردىڭ باتىرلىق ءداستۇردى لايىقتى جالعاستىرىپ كەلە جاتقانىن ايتتى. ونىڭ ايتۋىنشا, مەملەكەت باسشىسى قاسىم-جومارت توقاەۆتىڭ سوزىمەن ايتقاندا, بۇگىنگى قازاقستان اسكەرى – باتىر بابالار جولىن جالعاۋشى, ەل قورعانى بولا بىلگەن كۇش.
«قۋاتتى ارميامىز – تاۋەلسىز قازاقستاننىڭ بەرىك قالقانى جانە مىزعىماس مەملەكەتتىلىكتىڭ مىعىم تىرەگى. الداعى ۋاقىتتا دا قورعانىسىمىز كۇشەيىپ, اسكەرىمىزدىڭ ايبىنى اسقاقتاي بەرسىن!وتانشىلدىق سەزىمدى ارتتىرا تۇسەتىن مەرەكەمەن قۇتتىقتاي وتىرىپ, بارشاڭىزعا باق-بەرەكە تىلەيمىن! ەلىمىزدىڭ ىرگەسى ءاردايىم بەرىك بولسىن!», دەلىنگەن قۇتتىقتاۋدا.
سەنات توراعاسى بارشا ازاماتتارعا وتانشىلدىق رۋح سىيلايتىن مەرەكە قارساڭىندا بەيبىت ءومىر, باق-بەرەكە جانە ەلىمىزدىڭ ىرگەسىنىڭ ءاردايىم بەرىك بولۋىن تىلەدى.
