فوتو: اشىق دەرەككوز
ء«بىز جەڭىستىڭ 80 جىلدىعىن اتاپ وتۋگە باسا نازار اۋداردىق. ەلىمىز بويىنشا مىڭداعان ماڭىزدى, اۋقىمى كەڭ ءىس-شارا وتكىزىلىپ جاتىر. 500-گە جۋىق كوشەگە قازاقستان قاھارماندارىنىڭ ەسىمى بەرىلەتىن بولدى», دەدى پرەزيدەنت.
پرەزيدەنتتىڭ ايتۋىنشا, ەل اۋماعىندا «باتىرلارعا تاعزىم» اتتى جالپىحالىقتىق شەرۋ ۇيىمداستىرىلادى. شەرۋگە قاتىسۋشىلار ەكىنشى دۇنيەجۇزىلىك سوعىسقا قاتىسقان اتا-بابالارىنىڭ سۋرەتتەرىن ۇستاپ, كوشەلەرمەن ءجۇرىپ وتەدى. بۇل – تاريحي جادىنى جاڭعىرتۋ مەن جاس ۇرپاققا بەيبىت ءومىردىڭ قۇندىلىعىن ۇقتىرۋدىڭ ماڭىزدى ءتاسىلى.
قاسىم-جومارت توقاەۆ قازىرگى گەوساياسي احۋالعا ەرەكشە توقتالىپ, بەيبىتشىلىك پەن قاۋىپسىزدىكتى ساقتاۋ – قازاقستاننىڭ باستى ماقساتى ەكەنىن اتاپ ءوتتى.
«اقيقاتتى تانىماي, بەيبىتشىلىكتىڭ قادىرىن ءبىلۋ مۇمكىن ەمەس. سوعىستىڭ تاريحي اقيقاتىن, ۇلى جەڭىستىڭ ءمان-ماعىناسىن قاساقانا بۇرمالاۋعا جول بەرۋگە بولمايدى», دەدى قاسىم-جومارت توقاەۆ.
مەملەكەت باسشىسى ەلدىڭ سىرتقى ساياساتى ۇلتتىق مۇددەنى قورعاۋعا باعىتتالعانىن ايتىپ, حالقىمىزدىڭ بولمىسىنان بەيبىتسۇيگىشتىك پەن ار-نامىس بيىكتىگى كورىنەتىنىن جەتكىزدى.
