فوتو: اشىق دەرەككوزدەن
قالا اكىمدىگىنىڭ حابارلاۋىنشا, ولاردىڭ اراسىندا كونتسەرتتەر, كورمەلەر, اكتسيالار, سپەكتاكلدەر جانە وزگە دە مادەني, سپورتتىق شارالار بار. 6-8 مامىر كۇندەرى ادام كوپ جينالاتىن ورىنداردا ەرىكتىلەر بليتس-ساۋالناما جۇرگىزىپ, قوعامدىق ورىنداردا «جەڭىس لەنتاسى» لەنتالارى مەن توسبەلگىلەرىن تاراتادى.
6 مامىر ساعات 19:00-دە م.گوركي اتىنداعى مەملەكەتتىك اكادەميالىق ورىس دراما تەاترىندا ء«اليا» سپەكتاكلىن كورسەتۋدى جوسپارلاپ وتىر, سونىمەن بىرگە ە.راحماديەۆ اتىنداعى مەملەكەتتىك اكادەميالىق فيلارمونيادا «كەستەلى ورامال» مەرەكەلىك كونتسەرتى وتەدى. سونداي-اق, «جاستار» سارايىندا ساعات 19:00-دە «استانا» ەسترادالىق-سيمفونيالىق وركەسترىنىڭ كونتسەرتتىك باعدارلاماسى جوسپارلانعان.
استانادا «VIRTUS WORLD TENNIS CHAMPIONSHIP» (دامۋىندا زياتكەرلىك كەمىستىگى بار تۇلعالار) ەرلەر مەن ايەلدەر اراسىندا تەننيستەن الەم چەمپيوناتى ءوتىپ جاتىر, ول 11 مامىرعا دەيىن «داۋلەت» تەننيس ورتالىعىندا وتەدى. كورەرمەندەرگە كىرۋ تەگىن.
6-10 مامىر ارالىعىندا ەلوردادا سپورتتىق گيمناستيكادان اشىق قالالىق چەمپيونات ءوتىپ جاتىر. جارىس ءا. جانگەلدين, 9ا مەكەنجايى بويىنشا «جەڭىس» سك وتەدى. كورەرمەندەرگە كىرۋ تەگىن.
2025 جىلعى 7 مامىردا ساعات 11:00-دە استانادا كونتسەرتتەر مەن اسكەري پارادتىڭ تىكەلەي كورسەتىلىمى وتەدى. ساعات 11:00-دەن باستاپ ۇلكەن LED ەكراندار ارقىلى شەرۋ بىردەن بىرنەشە ورىندا كورسەتىلەدى:
1. ەلوردا اكىمدىگى عيماراتىنىڭ جانىنداعى قالالىق الاڭدا (تىكەلەي ەفير جانە مەرەكەلىك كونتسەرت);
2. «استانا ارەنا» ستاديونىنىڭ اۋماعىندا (تىكەلەي ەفير جانە مەرەكەلىك كونتسەرت);
3. «Astana Music Hall» اۆتوتۇراق اۋماعى (قۇمىرا) ب.مومىش ۇلى داڭعىلى, 1 (تەك تىكەلەي ترانسلياتسيا).
سونىمەن قاتار, ءىس-شارا رەسپۋبليكالىق تەلەارنالاردىڭ تىكەلەي ەفيرىندە كورسەتىلەدى.
ساعات 12:00-دە ءا.مامبەتوۆ اتىنداعى مەملەكەتتىك دراما جانە كومەديا تەاترىنىڭ اۋماعىندا ارتىستەردىڭ قاتىسۋىمەن اشىق اسپان استىندا مەرەكەلىك كونتسەرت ۇيىمداستىرىلادى.
8 مامىر كۇنى ساعات 15.00-دە ۇلى وتان سوعىسىنداعى جەڭىستىڭ 80 جىلدىعىنا وراي جانە «تازا قازاقستان» ەكولوگيالىق اكتسياسى اياسىندا اعاش وتىرعىزۋ اكتسياسىن وتكىزۋ جوسپارلانىپ وتىر.
9 مامىردا بوتانيكالىق باقتا ەلوردالىق ستۋدەنتتەر مەن وقۋشىلار اراسىندا ۇلى وتان سوعىسىنداعى جەڭىستىڭ 80 جىلدىعىنا ارنالعان جەڭىلاتلەتيكادان ەستافەتا وتەدى. ەستافەتا ساعات 9:00-دە باستالادى. ەستافەتاعا سپورتتىق دايىندىعى بار جانە مەديتسينالىق تەكسەرۋدەن وتكەن وقۋشىلار مەن ستۋدەنتتەر قاتىسا الادى. (كوماندالار باسشى مەن دارىگەر كۋالاندىرعان ءوتىنىمدى ۇسىنۋى ءتيىس).
9 مامىردا ۇلى وتان سوعىسىنداعى جەڭىستىڭ 80 جىلدىعىنا وراي «جاستار» ساياباعىندا ساعات 11:00-دەن 17:00-گە دەيىن جانە قالالىق الاڭدا ساعات 17:00-دە مەرەكەلىك كونتسەرتتەر وتەدى. سول كۇنى ساعات 18:00-دە ءا.مامبەتوۆ اتىنداعى مەملەكەتتىك دراما جانە كومەديا تەاترى «ار ادامى – باۋىرجان» سپەكتاكلىنىڭ پرەمەراسى وتەدى.
سونداي-اق, 9 مامىردا ساعات 10:00-دەن 12:00-گە دەيىن قالا اكىمدىگى, قر قورعانىس مينيسترلىگى وكىلدەرىنىڭ, «جاس سارباز» بالالار-جاسوسپىرىمدەر اسكەري-پاتريوتتىق قوزعالىسىنىڭ تاربيەلەنۋشىلەرىنىڭ, اسكەري وركەستردىڭ قاتىسۋىمەن وركەسترمەن قۇتتىقتاۋ بولادى.
سونىمەن قاتار, 9 مامىردا ەلوردادا «Qazaqstan Barysy Grand Slam» دزيۋدودان حالىقارالىق تۋرنير باستالادى. جارىس ج. ۇشكەمپىروۆ اتىنداعى جەكپە-جەك سارايىندا وتەدى. كورەرمەندەرگە كىرۋ تەگىن.
10 مامىر كۇنى ساعات 17:00-دە ە.راحماديەۆ اتىنداعى مەملەكەتتىك اكادەميالىق فيلارمونيادا «مامىر ءۆالسى» مەرەكەلىك كونتسەرتى وتەدى.
10 مامىر كۇنى ساعات 18:00-دە ءا.مامبەتوۆ اتىنداعى مەملەكەتتىك دراما جانە كومەديا تەاترىنىڭ ساحناسىندا «ار ادامى. باۋىرجان» ساحنالانادى.
ايتا كەتەيىك, جەڭىستىڭ 80 جىلدىعىنا وراي ۇلى وتان سوعىسىنىڭ ارداگەرلەرى مەن مۇگەدەكتەرىنە, اسكەري ءىس-قيمىلدارعا قاتىسۋشىلارعا, استانادا تۇراتىن تىل ەڭبەككەرلەرىنە بىرجولعى تولەم اۋدارىلعان. سونداي-اق, «قامقورلىق مەكەنجايى» اكتسياسى اياسىندا ارداگەرلەرگە ازىق-ت ۇلىك سەبەتتەرى تابىستالادى, اۋلالار قوقىستاردان تازارتىلادى.
