مەرەكە • 05 مامىر, 2025

مايدانگەر مەديتسينا قىزمەتكەرلەرىنە ارنالعان كورمە ءوتتى

100 رەت
كورسەتىلدى
1 مين
وقۋ ءۇشىن

اقتوبەدەگى مارات وسپانوۆ اتىنداعى باتىس قازاقستان  مەديتسينا ۋنيۆەرسيتەتىندە  وسى وقۋ ورنىندا ەڭبەك ەتكەن ەكىنشى دۇنيەجۇزىلىك سوعىس  مايدانگەرلەرىنە ارنالعان كورمە ۇيىمداستىرىلدى.

مايدانگەر مەديتسينا قىزمەتكەرلەرىنە ارنالعان كورمە ءوتتى

مۇندا جاۋىنگەرلەردىڭ سوعىس كەزىندەگى قۇجاتتارى, تۇتىنعان جەكە زاتتارى, حاتتارى, فوتوسۋرەتتەرى مەن  مايدان گازەتتەرىنىڭ قيىندىلارى قويىلدى, دەپ حابارلايدى egemen.kz.

جينالعاندارعا مايدان شەبىندە جاۋعان وتتىڭ استىندا ءجۇرىپ جارالانعانداردى قۇتقارعان  سانيتارلار مەن فەلدشەرلەر,  اسكەري گوسپيتالداردا  جارالىلارعا وتا جاساپ تۇرعان دارىگەرلەر بەينەلەنگەن فوتو دەرەكتەر كورسەتىلدى. سونداي-اق كورمەگە قويىلعان جارىلعان  مينا, زالالسىزداندىرىلعان گراناتا, زەنيتتىك پاتروندار, سنارياد ۇشقىندارى, گاز ماسكاسى  كوپشىلىكتىڭ نازارىن اۋداردى.1

 كورمە اياسىندا ۋنيۆەرسيتەت مۋزەيى مەن  «Qamqor» اقتوبە دەنساۋلىق ساقتاۋ كاسىپوداعى»  بىرلەستىگى قولداۋىمەن   بقمۋ وقىتۋشىلارى مەن ستۋدەنتتەرى اراسىندا ۇيىمداستىرىلعان  سوعىس ارداگەرىنە حات  جانە  سۋرەت بايقاۋىنىڭ قورىتىندىسى  جاريالاندى. «مايدانگەرگە  حات» بايقاۋىنان ۋنيۆەرسيتەتتىڭ گيستولوگيا كافەدراسىنىڭ وقىتۋشىسى قۋانىش بايتەنوۆ ۇزدىك شىقسا,  جەڭىستىڭ 80 جىلدىعىنا ارنالعان سۋرەت بايقاۋىنان  پەدياتريا فاكۋلتەتىنىڭ 2 كۋرس ستۋدەنتى  جانار جاقسىلىققىزى جۇلدەلى ورىندى يەلەندى.ا

 اقتوبە وبلىسى.

سوڭعى جاڭالىقتار