باستاما ازاماتتاردى قوعامدىق باقىلاۋ جۇمىستارىنا شاقىرۋ ارقىلى جولداردىڭ ساپاسىن جاقسارتۋدى كوزدەيدى. جوبا جول ينفراقۇرىلىمى جاعدايىنا بەيجاي قارامايتىن بەلسەندى ازاماتتاردىڭ اراسىندا اشىق الاڭ بولماق. تۇرعىنداردىڭ بەلسەندى قاتىسۋىمەن جولداعى اقاۋلار دەر كەزىندە انىقتالىپ, ولاردى جويۋعا, سونداي-اق حالىقتىڭ شاعىمدارى مەن ۇسىنىستارىنا جەدەل ارەكەت ەتۋگە مۇمكىندىك تۋادى. بۇل ءوز كەزەگىندە جۇمىستىڭ اشىقتىعىن ارتتىرۋعا ىقپال ەتەدى.
ءاربىر ازامات جول ساپاسىن ارتتىرۋعا ءوز ۇلەسىن قوسا الادى. ول ءۇشىن 1403 ءنومىرى ارقىلى بايلانىس ورتالىعىنا حابارلاسىپ, ءوتىنىم بەرۋ جەتكىلىكتى. ءوتىنىم بەرۋ كەزىندە اتى-ءجونى, بايلانىس دەرەكتەرى, تۇرعىلىقتى ءوڭىرى مەن ەلدى مەكەنى كورسەتىلۋى قاجەت. جوبا اياسىندا قۇرىلىس, قايتا جاڭعىرتۋ جانە جوندەۋ جۇرگىزىلىپ جاتقان اۆتوجول نىساندارىنا تۇراقتى تۇردە شىعۋ جوسپارلانعان. نىساندارعا شىعۋ كەستەسى مەن جوبا تۋرالى تولىق اقپارات كومپانيانىڭ رەسمي سايتىندا (www.qaj.kz.) جاريالانعان.
قازىر ەلىمىزدە كولىك ينفراقۇرىلىمىن دامىتۋ مەن جاڭعىرتۋدىڭ بارلىق نەگىزگى باعىتتارىن قامتيتىن اۋقىمدى جول-قۇرىلىس ماۋسىمى باستالادى. جوسپار بويىنشا جىل سوڭىنا دەيىن 8800 شاقىرىم اۆتوموبيل جولدارىندا ءتۇرلى جوندەۋ جۇمىستارى جۇرگىزىلەدى. ونىڭ 2100 شاقىرىمىندا قۇرىلىس جانە قالپىنا كەلتىرۋ, 460 شاقىرىمىندا كۇردەلى جوندەۋ, 6300 شاقىرىمىندا ورتاشا جوندەۋ جۇمىستارى اتقارىلادى.
