وقۋ-اعارتۋ مينيسترلىگىنىڭ مالىمەتىنشە, بيىلعى وقۋ جىلىن ەلىمىز بويىنشا 3,9 ميلليوننان استام وقۋشى اياقتايدى.
ولاردىڭ ىشىندە 217 مىڭنان استامى — 11-سىنىپ تۇلەكتەرى. ولار ءۇشىن بۇل جىل — مەكتەپپەن قوشتاساتىن ەرەكشە ءارى ەستە قالارلىق كەزەڭ.
«وتكەن جىلداعىداي وقۋدىڭ سوڭعى كۇنى – 23 مامىردا ەلىمىزدىڭ بارلىق مەكتەپتەرىندە ء«بىلىمىم – وتانىما» ۇرانىمەن بىرىڭعاي سىنىپ ساعاتى وتەدى. بۇكىل ءبىلىم بەرۋ جۇيەسى ءۇشىن ماڭىزدى شارا وقۋشىلار مەن ۇستازدارعا بىرلەسكەن جۇمىستىڭ قورىتىندىسىن شىعارۋعا, ءبىر-بىرىنە ريزاشىلىقتارىن بىلدىرۋگە, ءوتىپ جاتقان وقۋ جىلىنىڭ ماڭىزدى وقيعالارىن ەسكە الۋعا مۇمكىندىك بەرەدى.
بيىل وقۋ جىلىنىڭ رەسمي اياقتالۋ كۇنى جەكسەنبىگە سايكەس كەلەتىندىكتەن, مەكتەپ اكىمشىلىگىنىڭ شەشىمىمەن 11-سىنىپ تۇلەكتەرىنە ارنالعان سالتاناتتى ءىس-شارالار 23 نەمەسە 24 مامىردا وتەدى», دەپ حابارلادى ۆەدومستۆو.
سونداي-اق, وقۋ-اعارتۋ مينيسترلىگى بارلىق مەكتەپ وقۋشىلارىنىڭ قاۋىپسىزدىگى مەن تەڭ جاعدايىن قامتاماسىز ەتۋ ماقساتىندا ءسان-سالتاناتپەن ءىس-شارالار ۇيىمداستىرۋعا, اقشا جيناۋعا, كولىك جۇرگىزۋگە, مەكتەپ فورماتىنان تىس مەرەكەلىك شارالاردى وتكىزۋگە كەڭەس بەرىلمەيتىنىن ەسكە سالدى.
