فوتو: اشىق دەرەككوز
الايدا, بۇل حابارلامادان كەيىن, قازاقستاندىقتاردىڭ كوپشىلىگى شەتەل ازاماتىنا كورسەتىلگەن ەرەكشە ىلتيپاتقا نارازى بولىپ, حقكو-دا بارىنە بىردەي قىزمەت كورسەتىلۋى ءتيىس ەكەنىن العا تارتتى. سىن پىكىرلەردەن كەيىن مەملەكەتتىك كورپوراتسياسى الەۋمەتتىك جەلىدە تۇسىندىرمە جازبا جاريالادى.
«اتالعان ماتەريالدىڭ ماقساتى – تانىمالدىلىعىنا بايلانىستى بىرەۋدى ەرەكشەلەۋ ەمەس. كەي قوناقتارعا ەرەكشە كوڭىل ءبولۋدى تەڭدىك ءپرينتسيپىن بۇزادى دەپ قابىلدانعانىن تۇسىنەمىز. وسىعان بايلانىستى, حقكو-لاردا كورسەتىلەتىن بارلىق قىزمەتتەر زاڭناما شەڭبەرىندە جانە بارشا ازاماتتار ءۇشىن تەڭ جاعدايدا جۇزەگە اسىرىلاتىنىن ەرەكشە اتاپ وتكىمىز كەلەدى. جاريالانىمداعى جالعىز ماقساتىمىز – باسقا مەملەكەتتەردە دە مويىندالىپ جۇرگەن قىزمەت كورسەتۋ ساپاسىنىڭ جوعارى دەڭگەيىن كورسەتۋ بولاتىن», دەلىنگەن حابارلامادا.
ءباسپاسوز قىزمەتى اتاپ وتكەنىندەي, مۇنداي قادام كورپوراتسيانىڭ كليەنتكە باعدارلانعان ءتاسىلى, وكىلدىك فورماتى جانە قوناقجايلىلىقتىڭ بەلگىسى رەتىندە جاسالعان. بۇل تاجىريبە بۇعان دەيىن دە قولدانىلعان, توراعا تانىمال قازاقستاندىقتاردى جەكە قابىلداپ, مەملەكەتتىك قىزمەتتەردىڭ ساپاسىن باقىلاپ جانە كەرى بايلانىس الۋ ماقساتىندا كەزدەسۋلەر وتكىزگەن.
بۇل جاعدايدان كەيىن قوعامدا «يانا رۋدكوۆسكايا قازاقستاندا تۇرۋعا رۇقسات العان با؟ وعان ىقتيارحات نەمەسە ازاماتتىق بەرىلگەن بە؟ ول قازاقستانعا قانداي ەڭبەك ءسىڭىردى؟ مۇنداي ءىلتيپات ءاربىر ازاماتقا بىردەي كورسەتىلە مە؟», دەگەن سىندى سۇراقتار تۋىندادى.
رەسمي دەرەككە سۇيەنسەك, يانا رۋدكوۆسكايا 1975 جىلى قوستانايدا دۇنيەگە كەلگەنىمەن, بالالىق شاعىندا وتباسىمەن بىرگە رەسەيدىڭ بارناۋل قالاسىنا كوشىپ كەتكەن. ازىرگە تيىستە ورگان رەسەيلىك شوۋ بيزنەس وكىلىنىڭ قازاقستان ازاماتتىعىن العان-الماعاندىعى جونىندەگى اقپارات بەرگەن جوق.
ال كورپوراتسيا باسقارماسىنىڭ وكىلدەرى باسشىلىقتىڭ ەرىپ ءجۇرۋى مەملەكەتتىك قىزمەتتەردى الۋدا ەشقانداي ارتىقشىلىق بەرمەيتىنىن مالىمدەدى. بارلىق مەملەكەتتىك قىزمەتتەر قازاقستان رەسپۋبليكاسىنىڭ زاڭناماسىنا سايكەس, ءاربىر ءوتىنىش بەرۋشىگە تەڭ جاعدايدا كورسەتىلەتىنىن اتاپ ءوتتى.
ايتا كەتەيىك, قر ىشكى ىستەر مينيسترلىگىنىڭ مالىمەتىنشە, 2022 جىلدان 2024 جىلدىڭ قازان ايىنا دەيىن 6 665 رەسەيلىك قازاقستان ازاماتتىعىن العان, ونىڭ ىشىندە 2 199-ى – قانداستار. سول كەزەڭدە 33 677 رەسەيلىك قازاقستاندا تۇراقتى تۇرۋعا رۇقسات العان.
