ەلىمىزدە تۇرمىستىق قىلمىس دەڭگەيى تومەندەدى - ءىىم

كامەلەتكە تولماعانداردى قۋدالاۋ جانە ءسۋيتسيدتى ناسيحاتتاۋ ءۇشىن قىلمىستىق باپتار دا ەنگىزىلدى. ياعني, پوليتسيا مەن سوت جۇيەسىنە وتباسىلىق قاتىناستار سالاسىنداعى قىلمىستارمەن بەلسەندى كۇرەسۋگە مۇمكىندىك بەرەتىن جاعداي جاسالعان.

قابىلدانعان شارالار تۇرمىستىق قۇقىق بۇزۋشىلىقتاردىڭ انىقتالۋىن 199-دان 840-قا دەيىن ارتتىرۋعا ىقپال ەتتى, بۇل جالپى تۇرمىستىق قىلمىستىڭ الدىن الۋدىڭ پارمەندى قۇرالىنا اينالدى.

قابىلدانعان شارالار كەشەنى وتباسىلىق-تۇرمىستىق قاتىناستار سالاسىنداعى قىلمىستار سانىن ازايتۋعا ىقپال ەتتى.
كىسى ءولتىرۋ سانى 6,4%-عا (125-تەن 117-گە دەيىن),اۋىر دەنە جاراقاتتارى –25,5%-عا (337-دەن 251-گە دەيىن), دەنە جاراقاتتارىنىڭ ورتاشا اۋىرلىعى – 11,9%-عا (336-دان 296-عا دەيىن) ازايعان. 
كىسى ولتىرۋدەن زارداپ شەككەندەردىڭ سانى 10,3%-عا (97-دەن 87-گە دەيىن), ونىڭ ىشىندە ايەلدەر 20,8%-عا (53-تەن 42-گە دەيىن), ال كامەلەتكە تولماعاندار 28,6%-عا (7-دەن 5-كە دەيىن) تومەندەگەن.

«اتالعان زاڭنامالىق وزگەرىستەر جاۋاپكەرشىلىك دەڭگەيىن ارتتىرۋعا عانا ەمەس, وتباسىلىق-تۇرمىستىق قاتىناستار سالاسىنداعى قۇقىق بۇزۋشىلىقتاردىڭ الدىن الۋدى جاقسارتۋعا دا ىقپال ەتتى. بۇل باعىتتاعى جۇمىس قازىر انىقتاۋشى سيپاتقا يە, بۇل بۇزۋشىلىقتاردى ەرتە كەزەڭدە توقتاتۋعا مۇمكىندىك بەرەدى. تۇرمىستىق زورلىق-زومبىلىق فاكتىلەرىنە جەدەل دەن قويۋ ءۇشىن داعدارىس ورتالىقتارىمەن ىنتىماقتاستىق ماڭىزدى قادام بولدى», دەلىنگەن ءىىم حابارلاماسىندا.