فوتو: ۇلتتىق ۇلان
ۇلاندىقتار توتەنشە جاعدايلار دەپارتامەنتى, پوليتسيا قىزمەتى جانە جەرگىلىكتى اتقارۋشى بيلىك وكىلدەرىمەن بىرگە بۇگىنگە دەيىن 250 مىڭنان اسا قۇم سالىنعان قاپ ازىرلەگەن. 800 كۋرسانت ءتورت اۋىسىم بويىنشا جۇمىس ىستەپ جاتىر.
اسكەري قىزمەتشىلەر ءۇشىن جۇيەلى تۇردە تاماق پەن دەمالىس ۋاقىتى ۇيىمداستىرىلعان. ساربازدار مەن كۋرسانتتاردىڭ كەدەرگىسىز جۇمىس ىستەۋىنە «انا جۇرەگى» ساربازدار انالارىنىڭ كوميتەتى ۇلەس قوسۋدا.
«بۇل – بارلىعىمىزدىڭ ورتاق مىندەتىمىز. بالالارىمىز كۇن دەمەي, ءتۇن دەمەي ەل ءۇشىن ەڭبەك ەتىپ ءجۇر. ءبىز ولارعا تەك تاماق ەمەس, انالىق مەيىرىمىمىزدى دە جەتكىزگىمىز كەلەدى. مۇمكىندىگىنشە ساربازدارعا ىستىق تاماق اپارىپ, ءحالىن سۇراپ تۇرامىز. بۇل ىسكە تۇرعىندار دا بەلسەندى قاتىسىپ جاتىر. جاستاردىڭ امان بولۋى – ەلىمىزدىڭ امان بولۋى», دەدى «انا جۇرەگى» ساربازدار انالارىنىڭ كوميتەتىنىڭ مۇشەسى فاريدا باۋبەكوۆا.
ۇلتتىق ۇلاننىڭ رەسمي وكىلى الىبەك ابدىلوۆ ۇلتتىق ۇلاننىڭ كۋرسانتتارى مەن اسكەري قىزمەتشىلەرى, سونداي-اق ەرىكتىلەر ينەرتتى ماتەريالدارى بار قاپتاردىڭ كومەگىمەن بوگەتتەردى نىعايتىپ, سۋ تاسقىنىنا قارسى كۇرەستى ءارى قاراي جالعاستىراتىنىن جەتكىزدى.
