ەفرەيتورلار اسحات بايسەيتوۆ, قىدىرباي ەرلان, ۆياچەسلاۆ قوجاحمەتوۆ جانە 3 سىنىپ سەرجانتى ميحايل بۋبنوۆ قىزمەتكە بارا جاتقان جولدا دولينكا كەنتىندەگى تۇرعىن ءۇيدىڭ ورتەنىپ جاتقانىن بايقاپ قالادى.
اسكەريلەر ەش ويلانباستان وقيعا ورنىنا دەرەۋ جەتىپ, ءورت شالعان ۇيگە كىردى. ولار ىشتە قالعان ءۇش بالانى قاۋىپسىز جەرگە الىپ شىقتى. تەك بالالاردى عانا ەمەس, ءۇي ىشىندەگى جارىلىس قاۋپى بار 50 ليترلىك گاز باللونىن دا سىرتقا شىعارىپ, ۇلكەن اپاتتىڭ الدىن الدى.
– بۇل – ءبىزدىڭ مىندەتىمىز! ءبىز ءورت شالعان ءۇيدى بايقاپ, بىردەن كومەك كورسەتۋگە كىرىستىك. بۇل ارەكەتىمىزدى ەرلىك دەپ سانامايمىز, بۇل — ءبىزدىڭ قىزمەتىمىزدىڭ ءبىر بولىگى, — دەيدى ۇلاندىقتار.
اسكەري قىزمەتكەرلەردىڭ باتىل ءارى شاپشاڭ ارەكەتتەرىنىڭ ارقاسىندا قايعىلى جاعدايدىڭ الدى الىندى. ولار ازاماتتىق بورىشتارىن ابىرويمەن ورىنداپ, ناعىز ەرلىك ۇلگىسىن كورسەتتى.
