فوتو: قر ۇلتتىق ۇلانى
قر ءىىم ۇلتتىق ۇلانىنىڭ 6637 اسكەري ءبولىمىنىڭ ساربازدارى توتەنشە جاعدايلار دەپارتامەنتىنىڭ ماماندارىمەن بىرگە بوگەتتى بەكىتۋ جۇمىستارىن جۇرگىزىپ جاتىر. تابيعي اپاتتىڭ الدىن الۋ ءۇشىن 500-دەن استام ينەرتتى ماتەريال سالىنعان قاپتار دايىندالىپ, سۋدىڭ جايىلۋىنا بوگەت جاساۋ ءۇشىن قولدانىلعان.
«ايتا كەتۋ كەرەك, بۇل ۋچاسكەدە اسكەري قىزمەتشىلەر تاۋلىك بويى جۇمىس ىستەپ جاتىر. ۇلاندىقتار جاعدايدىڭ وزگەرۋىنە بايلانىستى شۇعىل ارەكەت ەتىپ, ەلدى مەكەن مەن جەرگىلىكتى تۇرعىنداردىڭ مۇلكىن قورعاۋ شارالارىن قابىلدادى», دەپ حابارلادى ۇلتتىق ۇلاننىڭ ءباسپاسوز قىزمەتى.
بۇعان دەيىن تەپليچنوە اۋىلىندا بوگەتتى نىعايتۋ ءۇشىن 1000-نان استام ۇلتتىق ۇلان اسكەري قىزمەتشىلەرى جۇمىلدىرىلعان بولاتىن. بۇل جۇمىستاردىڭ بارلىعى بوگەتتىڭ بەكىتىلۋىنە جانە تابيعي اپاتتىڭ الدىن الۋعا باعىتتالعان.
