فوتو: onco.kz
وتاعا ونكوۋرولوگيا ورتالىعىنىڭ جەتەكشىسى حۋسان ۋمۋرزاكوۆ باسشىلىق جاساپ, Sage bot SR–2000 روبوتتاندىرىلعان حيرۋرگيالىق پلاتفورماسى قولدانىلعان. پلاتفورما كومەگىمەن ناۋقاستىڭ ءبىر بۇيرەگى الىنىپ, اعزا ليمفالىق تۇيىندەردەن تازارتىلعان.
Sage bot SR–2000 روبوتتاندىرىلعان حيرۋرگيالىق پلاتفورماسىنىڭ نەگىزگى ارتىقشىلىقتارى:
- قاتەرلى ىسىكتىڭ كەڭىنەن تاراعان فورمالارىنا قارسى تيىمدىلىگى;
- ناۋقاستىڭ دەنەسىنە بارىنشا كوپ جاراقات سالماي وتا جاساۋ;
- وتا جاسالاتىن ورىنعا 3D-ۆيزۋاليزاتسيا جاساۋ;
- ميكروحيرۋرگيالىق دالدىك;
- وپەراتسيالىق بريگاداعا تۇسەتىن جۇكتەمەنىڭ ازايۋى;
«بۇل وقيعا قازاقستاننىڭ ونكوحيرۋرگيا سالاسىنىڭ دامۋىنداعى ماڭىزدى كەزەڭ. جاڭا تەحنولوگيالاردى ەنگىزۋ پاتسيەنتتەرگە ەڭ قيىن كلينيكالىق جاعدايلاردا دا كومەك بەرۋگە مۇمكىندىك بەرەدى», دەدى قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ ديرەكتورى ەربول بەكمۇحامبەتوۆ.
