بۇعان دەيىن يران پارلامەنتىنىڭ دەپۋتاتى, دەنساۋلىق ساقتاۋ جانە مەديتسينالىق قىزمەت كوميسسياسىنىڭ مۇشەسى موحامماد دجاماليان ولاردىڭ كوپشىلىگىنىڭ اتى-ءجونى بەلگىسىز بولىپ قالعانىن, سوندىقتان ازىرگە ءىز-ءتۇزسىز جوعالعانداردىڭ سانىن انىقتاۋ مۇمكىن ەمەستىگىن حابارلاعان.
ونىڭ ايتۋىنشا, پورت اۋماعىندا ءالى دە مارقۇمداردىڭ ءمايىتى تابىلۋى مۇمكىن. زارداپ شەككەن 240 ادام اۋرۋحانادا جاتىر, ونىڭ بەسەۋىنىڭ جاعدايى اۋىر.
ەسكە سالايىق, 26 ساۋىردە يراننىڭ بەندەر-ابباس قالاسىنداعى شاحيد-رادجاي پورتىندا جارىلىس بولدى. جارىلىس سالدارىنان پورتتا ورنالاسقان عيماراتتار مەن كولىكتەرگە ايتارلىقتاي زيان كەلگەن. ەلدە ءۇش كۇندىك ازا تۇتۋ كۇنى جاريالاندى
قازاقستان پرەزيدەنتى قاسىم-جومارت توقاەۆ يران پرەزيدەنتىنە قايعىلى وقيعاعا بايلانىستى كوڭىل ايتۋ جەدەلحاتىن جولدادى.
