اتىراۋدا اڭىز اكتەردىڭ عۇمىرى ارقاۋ ەتىلگەن «تاعدىر تاقتاسى» سپەكتاكلى ساحنالاندى. تۋىندىنى اتىراۋلىقتارعا اكتەردىڭ ءوزى قۇرعان «جاڭا عاسىر» تەاترى ۇسىندى.
باستى ەرەكشەلىك – ساحنا شاحمات تاقتاسىمەن بەزەندىرىلۋى. ال اڭىز ادامنىڭ ءومىر جولىن بەينەلەۋ ءۇشىن الا جولاق تاڭدالعان.
قازاقستاننىڭ ەڭبەك ەرى, تەاتر جانە كينو اكتەرى ءاسانالى ءاشىموۆتىڭ ءوزى «تازا قازاقستان» اكتسياسى اياسىندا اتىراۋداعى جاستار تەاترى ساياباعىنداعى كوشەت ەگۋ ءىس-شاراسىنا قاتىستى. تانىمال اكتەر ءوزىنىڭ اتاۋلى كوشەتىن ەكتى.
«كوكتەمنىڭ جايماشۋاق كۇندەرىندە اتىراۋ وبلىسىنا گاسترولدىك ساپارمەن كەلىپ قالدىق. بۇل – «جاڭا عاسىر» تەاترىنىڭ كەزەكتى رۋحاني ساپارى. تەاترلاردىڭ ارتىستەرى ءوزارا پىكىر الماسىپ, ءبىر-ءبىرىنىڭ ونەرىنە باعا بەرۋگە ۇمتىلۋى – وتە قۇندى ءارى قاجەت ءۇردىس. ونەرگە بەت بۇرعان جاستاردىڭ ءوسىپ-وركەندەۋىنە ءاردايىم تىلەكشى بولىپ جۇرەمىز. جاستار وسىنداي گاسترولدىك ساپاردا تاجىريبە الماسىپ, شىعارماشىلىق شەبەرلىگىن جەتىلدىرەدى», دەدى ا.ءاشىموۆ.
قازاق ونەرىنىڭ اڭىزى مۇنايلى شاھارداعى جاستار تەاترىنىڭ مۋزەيىنە ءوزىنىڭ كىتابىن تابىستادى.
اتىراۋ وبلىسى
