فوتو: Facebook, م.ماگەرراموۆ.
ەسكە سالايىق, پرەزيدەنت جانىنداعى عىلىم جانە تەحنولوگيالار جونىندەگى ۇلتتىق كەڭەستىڭ وتىرىسىندا قاسىم-جومارت توقاەۆ بىلىكتى كادرلاردى ىرىكتەۋ جانە دايارلاۋ, سونداي-اق ولاردىڭ عىلىم سالاسىندا ودان ءارى جۇمىس ىستەۋى ءۇشىن جاعداي جاساۋ نەگىزگى مىندەتتەردىڭ ءبىرى ەكەنىن اتاپ ايتقانى ءمالىم.
«مەملەكەت باسشىسى اتاپ وتكەندەي, 2023 جىلى 1500 دوكتورانتتىڭ 38% عانا ديسسەرتاتسياسىن ءساتتى قورعادى. بۇل رەتتە ولاردىڭ جارتىسىنا جۋىعى عانا عىلىمي قىزمەتىن جالعاستىرىپ جاتىر. «قازاقستان حالىق پارتياسى» (قحپ) فراكتسياسى قالىپتاسقان جاعداي كوبىنەسە تالاپكەرلەرگە قويىلاتىن تالاپتارعا نەگىزدەلگەن», دەدى م.ماگەرراموۆ
دەپۋتاتتىڭ ايتۋىنشا قازىرگى ۋاقىتتا ستۋدەنتتەر باكالاۆر ديپلومىن الىپ, نەگىزگى جوعارى بىلىممەن ەشقانداي قاتىسى جوق ماماندىق بويىنشا ماگيستراتۋراعا ءتۇسىپ ءجۇر.
«ويىمىزشا, ازاماتتاردىڭ ءبىلىم الۋ ساپاسىنا مۇنداي ءۇستىرت كوزقاراس ەلدىڭ زياتكەرلىك الەۋەتىن جوعالتۋعا جانە عىلىمي الەۋەتتىڭ قۇلدىراۋىنا اكەلەدى. وسىعان بايلانىستى ۋاكىلەتتى ورگانعا ماگيستراتۋراعا ءتۇسۋ ءتارتىبى مەن تالاپتارىن تولىق قايتا قاراۋدى, ماگيستراتۋراعا ءتۇسۋ ءۇشىن ءتيىستى بەيىندى جوعارى ءبىلىمنىڭ بولۋىن نەگىزگى تالاپ رەتىندە كەلتىرۋدى ۇسىنامىز», دەدى ماجىلىسمەن.
م.ماگەرراموۆتىڭ سوزىنشە دوكتورانتۋراعا ءتۇسۋ ءۇشىن كەمىندە 9 اي جۇمىس ءوتىلى, سوڭعى ءۇش كۇنتىزبەلىك جىلداعى عىلىمي جاريالانىمدار ءتىزىمى (بار بولسا), زەرتتەۋ جۇرگىزۋ جوسپارى مەن ەسسە بولۋى قاجەت.
«بiراق, ويىمىزشا, عىلىمي, پەداگوگيكالىق جانە كاسiبي قىزمەت ساپاسىنىڭ نەگiزگi كورسەتكiشi – عىلىمي-زەرتتەۋدىڭ قۇرامداس بولiگi, ماماننىڭ كاسiبي جارامدىلىعىن قامتاماسىز ەتەتiن ونىڭ العان بiلiم-داعدىلارىنىڭ پراكتيكالىق تۇرعىدا دۇرىس قولدانىلۋى. قحپ فراكتسياسى ساندىق ەمەس, ساپالىق كورسەتكىشتەرگە نازار اۋدارۋ قاجەت دەپ سانايدى. دوكتورانتۋراعا ءتۇسۋ ءۇشىن وزەكتى تالاپتار كوبىنە زەرتتەۋ تاجىريبەسى جەتكىلىكسىز كوپتەگەن عىلىم دوكتورلارىن تۋدىردى», دەدى دەپۋتات.
م.ماگەرراموۆتىڭ ايتۋىنشا بەيىندى مينيسترلىك دوكتورانتۋراعا تۇسۋگە قويىلاتىن تالاپتاردى قايتا قاراۋ قاجەت.
«كانديداتتاردىڭ عىلىمي جاريالانىمدارىنا ساندىق جانە ساپالىق تالاپتاردى بەلگىلەۋ, سونداي-اق ماگيستراتۋرانى اياقتاعاننان كەيىن دوكتورانتۋراعا ءتۇسۋ ءۇشىن مىندەتتى ۋاقىت ارالىعىن 5 جىل مەرزىمگە بەكىتۋ قاجەت», دەپ تۇيىندەدى دەپۋتات ماگەررام ماگەرراموۆ.
