فوتو: اشىق دەرەككوز
ءمينيستردىڭ ايتۋىنشا, 2024 جىلى ەلىمىزدە 124 774 نەكە تىركەلسە, سونىڭ 61 080-ءى اجىراسۋمەن اياقتالعان. بۇل — ءاربىر ەكىنشى وتباسىنىڭ ويراندالىپ جاتقانىن كورسەتەدى.
«بۇرىن حالقىمىزعا ءتان بولعان وتباسى قۇندىلىقتارى وكىنىشكە قاراي, بۇگىنگى كۇنى السىرەپ بارادى. اجىراسۋدىڭ ارتىندا ەڭ الدىمەن بالالار زارداپ شەگەدى. بۇل ماسەلەگە ەرەكشە كوڭىل ءبولىنۋى قاجەت. سوندىقتان بۇل ساناتتاعى ىستەر مينيسترلىكتىڭ ەرەكشە باقىلاۋىندا», دەدى ەرلان سارسەمباەۆ.
ونىڭ مالىمەتىنشە, قازىرگى تاڭدا 12 مىڭنان استام اليمەنت تولەۋدەن جالتارىپ جۇرگەن ازاماتتار «قىزىل ايماققا» ەنگىزىلگەن. ولارمەن ناقتى باعىتتالعان جۇمىستار جۇرگىزىلىپ جاتىر. دەگەنمەن مينيستر قولدانىستاعى زاڭنامالىق تەتىكتەر (اكىمشىلىك جانە قىلمىستىق جاۋاپكەرشىلىك) ءوز ناتيجەسىن بەرمەي وتىرعانىن اتاپ ءوتتى.
«بۇل ماسەلەنىڭ ءتۇپ-تامىرى – وتباسىلىق ينستيتۋتتىڭ السىرەۋى مەن قۇندىلىقتاردىڭ جوعالۋى. سوندىقتان مۇندا كەشەندى مەملەكەتتىك ساياسات قاجەت», دەپ تۇيىندەدى ادىلەت ءمينيسترى.
