قازاقستاندا جۇمىرتقا ارزانداپ جاتىر

بىرنەشە تاۋار ساناتى بويىنشا باعانىڭ تۇراقتى تومەندەۋى تىركەلگەن.

- ماسەلەن, بيىلعى جىلدىڭ باسىنان باستاپ جۇمىرتقا باعاسى 3,0%-عا تومەندەدى. بۇل تاۋار حالىقتىڭ راتسيونىنداعى نەگىزگى تاۋارلاردىڭ ءبىرى جانە ونىڭ تۇراقتى باعا ديناميكاسى ۇكىمەت پەن بيزنەستىڭ بىرلەسكەن جۇمىسىنىڭ ناتيجەسى, – دەپ جازىلعان حابارلامادا.

ەسكە سالايىق, بيىلعى جىلدىڭ اقپان ايىندا ساۋدا جانە ينتەگراتسيا مينيسترلىگى, سالالىق قاۋىمداستىقتار جانە ساۋدا جەلىلەرىنىڭ وكىلدەرى اراسىندا مەموراندۋمعا قول قويىلدى. وعان سايكەس س1 ساناتىنداعى جۇمىرتقانىڭ ەڭ جوعارعى ساتۋ باعاسى ققس ەسەبىمەن ءبىر داناسىنا 55 تەڭگەدەن اسپايتىن كولەمدە بەلگىلەندى.

وسى شارالاردىڭ ارقاسىندا ءساۋىر ايىندا جۇمىرتقا باعاسىنىڭ يندەكسى تۇراقتى بولىپ قالدى, ال سوڭعى اپتانىڭ قورىتىندىسى بويىنشا (8-15 ءساۋىر ارالىعىندا) باعا وزگەرمەدى. مىسالى, 2025 جىلدىڭ قاڭتار ايىندا س1 ساناتىنداعى 10 جۇمىرتقانىڭ ورتاشا باعاسى 548 تەڭگەنى, اقپاندا – 546 تەڭگەنى, ناۋرىزدا – 536 تەڭگەنى, ال ساۋىردە – 531 تەڭگەنى قۇرادى.

سونىمەن قاتار, مىنا تاۋارلار ارزانداعان:

كۇرىش – جىل باسىنان بەرى 4,7%-عا;

ۇن – 1,8%;

قاراقۇمىق جارماسى – 0,3%.

سۇزبە, كۇنباعىس مايى جانە "روجكي" سياقتى ماڭىزدى ونىمدەردىڭ تۇراقتى باعاسى بايقالادى – سوڭعى اپتانىڭ قورىتىندىسى بويىنشا باعا يندەكستەرى وزگەرىسسىز قالدى نەمەسە 0,1% شامالى اۋىتقۋدى كورسەتتى.

سونىمەن قاتار, كوكونىس باعاسىنىڭ ورتاشا ءوسۋى بايقالادى:

قىرىققابات – 3,5%;

ءسابىز – 1,6%;

پياز – 1,8%;

كارتوپ – 1,7%.

ساۋدا كوميتەتىنىڭ مالىمەتىنشە, كوكونىس توبىنداعى باعانىڭ ءوسۋى ماۋسىمدىق كەزەڭگە بايلانىستى. ادەتتە ماۋسىمارالىق ساقتاۋ مەن لوگيستيكا شىعىندارىنىڭ ارتۋىنا وراي كوكونىس باعاسىندا وزگەرىستەر بولادى.