فوتو: اشىق دەرەككوز
بۇگىندە جولدىڭ 47 شاقىرىمىن كەڭەيتۋ جۇمىستارى قولعا الىنعان. جوبانىڭ جالپى قۇنى 4,6 ميلليارد تەڭگە. بۇرىنعى ەنى جەتى مەتر جول, 11 مەترگە دەيىن كەڭەيتىلەدى. ونىڭ ءبىر جولاعى رەۆەرسيۆتى بولادى. مەردىگەر كومپانيانىڭ وكىلى جولدى جوندەۋگە قاجەتتى ماتەريالداردىڭ بارلىعى بار, جۇمىستى تاپ-تۇيناقتاي ەتىپ جىل سوڭىنا دەيىن اياقتايمىز دەپ سەندىرىپ وتىر.
«قازىر كەڭەيتۋ جۇمىستارىن باستاپ كەتتىك. توپىراقتى سىرىپ, قيىرشىق تاس توسەيمىز. جولدىڭ بەتىن مەيلىنشە نىعايتىپ, بەكىتەمىز. كۋرورتتى ايماق بولعاندىقتان كولىك سانى كوپ. سوندىقتان بارلىق جۇمىستى ساپالى اتقارۋعا تىرىسامىز», دەيدى «كوكشەتاۋ اۆتودور» سەرىكتەستىگىنىڭ اتقارۋشى ديرەكتورى رۋستام باداليان.
بيىل اقمولا وبلىسىندا جول قۇرىلىسى مەن جوندەۋ جۇمىستارىنا 109 ميلليارد تەڭگە بولىنبەك. 800 شاقىرىمنان استام جول جاڭارتىلماق.
