قازاقستاننىڭ بولگارياداعى ەلشىسى ۆيكتور تەمىرباەۆ ءوزىنىڭ قۇتتىقتاۋ سوزىندە قازاقستاننىڭ دۇنيەجۇزىندەگى جالپى جەڭىسكە, ادىلدىك پەن بوستاندىقتىڭ سالتاناتىنا زور ۇلەس قوسقانىن اتاپ ءوتتى. قازاق ديپلوماتى وسكەلەڭ ۇرپاق ءۇشىن كەرەمەت باتىلدىق پەن شىنايى ءپاتريوتيزمنىڭ ۇلگىسى ەكىنشى دۇنيەجۇزىلىك سوعىس جىلدارىنداعى وتانداستارىمىزدىڭ جاۋىنگەرلىك جانە ەڭبەك ەرلىكتەرىنە نازار اۋداردى. سونداي-اق ول جەڭىسكە كەرەمەت كۇش-جىگەر مەن وراسان زور قۇرباندىقتاردىڭ باعاسىمەن قول جەتكىزىلگەنىن, اتاپ ايتقاندا, ول مايدانگەرلەردىڭ تەڭدەسى جوق باتىلدىعى مەن مىزعىماس رۋحىنىڭ, تىل ەڭبەككەرلەرىنىڭ تاباندىلىعى مەن جانقيارلىعىنىڭ ارقاسىندا جۇزەگە اسقانىن اتاپ ءوتتى.
رەجيسسيور بەكبولات شەكەروۆتىڭ «1941 جىلدىڭ جازى» ءفيلمى سوعىس جىلدارىنداعى پارتيزاندىق وتريادتارمەن بولعان شايقاستار تۋرالى باياندايدى. كينوكارتينا ۇلى وتان سوعىسى جىلدارىنداعى باتىلدىعىمەن ەرەكشەلەنگەن جانە ديۆەرسيالىق توپتاردى باسقارعان كورنەكتى قازاق قايراتكەرى, لەيتەنانت ادي شاريپوۆتىڭ ومىرباياندىق تاريحىن كورسەتەدى.
قازاقستاندىق كينوكارتينا بولگار اۋديتورياسى مەن ءىس-شارانىڭ بارلىق قوناقتارىنىڭ قىزىعۋشىلىعىن تۋدىردى.
