وقيعا كەلەسىدەي وربىگەن: بەلگىسىز بىرەۋ جابىرلەنۋشىگە تەلەفون شالىپ, ءوزىن «قازپوچتا» قىزمەتكەرى رەتىندە تانىستىرىپ, ۇيىنە جەتكىزىلەتىن تاپسىرىس تۋرالى حابارلاعان. ەشقانداي تاپسىرىس بەرمەگەنىنە قاراماستان, جابىرلەنۋشى الاياقتىڭ سوزىنە سەنىپ, وعان كەلگەن سمس حابارلاماسىنداعى قۇپيا كودتى ايتىپ بەرگەن.
بىرنەشە مينۋتتان كەيىن ءوزىن «ۇلتتىق بانك» قىزمەتكەرى رەتىندە تانىستىرعان بەلگىسىز بىرەۋ قوڭىراۋ شالىپ, الاياقتاردىڭ ونىڭ اتىنا نەسيە راسىمدەگەنىن حابارلاعان. سودان سوڭ ول ەسەپشوتىنداعى اقشانى ساقتاپ قالۋ ءۇشىن ءتۇرلى بانك ەسەپشوتتارىنا اقشا اۋدارۋ كەرەكتىگىن ايتقان. ناتيجەسىندە, جابىرلەنۋشى جالپى سوماسى 10 482 000 تەڭگەنى قۇرايتىن اقشاسىن الاياقتارعا اۋدارىپ بەرگەن.
قازىرگى ۋاقىتتا پوليتسيا قىزمەتكەرلەرى اتالعان فاكتى بويىنشا تەرگەۋ امالدارىن جۇرگىزىپ جاتىر.
پوليتسيا ازاماتتاردى تەلەفون ارقىلى تۇسكەن كۇدىكتى قوڭىراۋلارعا سەنبەۋگە جانە ەشبىر جاعدايدا ءۇشىنشى تۇلعالارعا قۇپيا اقپاراتتاردى, سونىڭ ىشىندە سمس كودتارىن ايتپاۋعا شاقىرادى. ەگەر سىزگە كۇدىكتى قوڭىراۋ تۇسسە, دەرەۋ بايلانىستى ءۇزىپ, قۇقىق قورعاۋ ورگاندارىنا حابارلاسىڭىز.
ۇلىتاۋ وبلىسى
