فوتو: اشىق دەرەككوز
وقيعا اسپالى جولدىڭ قاۋىپسىزدىك جۇيەسى كابينالاردى اۆتوماتتى تۇردە توقتاتقان ساتتە بولعان. الايدا ىشىندە ءتورت جولاۋشى مەن ەكى قىزمەتكەر بولعان ءبىر كابينا جاردان قۇلاپ كەتكەن.
ANSA اگەنتتىگىنىڭ مالىمەتىنشە, مەرت بولعانداردىڭ ەكەۋى — ۇلىبريتانيا ازاماتتارى, بىرەۋى — يزرايل ازاماتى. قالعان ءبىر ادامنىڭ ازاماتتىعى ازىرگە ناقتىلانباعان.
قۇتقارۋشىلار اپات كەزىندە باسقا كابينادا قالىپ قويعان 11 ادامدى ارنايى قاۋىپسىزدىك بەلبەۋلەرى ارقىلى ەۆاكۋاتسيالاپ, ولاردى كاستەللامارە-دي-ستابيا تاۋ بازاسىنا جەتكىزگەن.
قۇتقارۋ جۇمىستارى تەڭىز دەڭگەيىنەن شامامەن 1200 مەتر بيىكتىكتە جۇرگىزىلىپ جاتىر. اۋا رايىنىڭ قولايسىزدىعى مەن قالىڭ تۇمان قۇتقارۋشىلاردىڭ جۇمىسىن قيىنداتىپ وتىر. وقيعا ورنىندا ءورت سوندىرۋشىلەر, كارابينەرلەر, پوليتسيا جانە ازاماتتىق قورعانىس قىزمەتىنىڭ ماماندارى جۇمىلدىرىلعان.
قۇتقارۋ وپەراتسياسى اياقتالعاننان كەيىن پروكۋراتۋرا وقيعاعا قاتىستى تەرگەۋ جۇرگىزۋدى باستايدى.
