فوتو: قورعانىس مينيسترلىگى
لەنينگراد وبلىسىنىڭ توسنەنسك اۋدانىنداعى ەكسپەديتسيا بارىسىندا ۋدمۋرتيالىق «دولگ» قوعامدىق ۇيىمىنىڭ ىزدەۋشىلەرى قازا تاپقان ساربازدىڭ سۇيەكتەرى مەن جەكە زاتتارىن تاۋىپ, مەدالوننىڭ ومبى وبلىسى قيرات اۋىلىنىڭ تۋماسى 1943 جىلى جەلتوقساندا حابار-وشارسىز كەتكەن 1907 جىلى تۋعان توكەن مەندىشەۆكە تيەسىلى ەكەنىن انىقتاعان.
قر قورعانىس مينيسترلىگىنىڭ ءباسپاسوز قىزمەتىنىڭ مالىمدەۋىنشە 2024 جىلدىڭ 10 مامىرىندا قىزىل اسكەر توكەن مەڭدىشەۆتىڭ جانە تاعى 194 جاۋىنگەردىڭ سۇيەگى لەنينگراد وبلىسى توسنەنسك اۋدانى چۋدسكايا بور اۋىلىنىڭ جانىنداعى مەموريالدىق زيراتتا باۋىرلاستار قابىرىنە جەرلەنگەن ەكەن. سارباز قازا تاپقان جەرگە ەسكەرتكىش بەلگى ورناتىلعان.
ساربازدىڭ بارلىق تابىلعان زاتتارىن: پاتروندارعا ارنالعان سومكە, قاسىق, سىرىڭكە, ۇستارا, تۇيمەلەر, ىلمەك, جۇلدىزشا, سۆت مىلتىعىنىڭ كىلتى, مەدالون جانە كاپسۋلالى بلانكىنى مەڭدىشەۆتەر وتباسى قر قارۋلى كۇشتەرىنىڭ اسكەري-تاريحي مۋزەيىنە تاپسىردى.
