«قازاقستان حالىقارالىق رەسۋرستارمەن بايلانىس ورناتۋ بويىنشا بەلسەندى جۇمىس جۇرگىزىپ وتىر. ماسەلەن, وتكەن جىلدىڭ تامىز ايىندا ءبىز استانا قالاسىندا ورتالىق ازيا بويىنشا «Euronews»-ءتىڭ وكىلدىگىن اشۋ تۋرالى كەلىسىمگە قول قويدىق. «Euronews» كومانداسى ءبىزدىڭ حالىقتاردىڭ ونەرى, مادەنيەتى مەن ءومىر سالتى تۋرالى «مودەرن نومادس» تەلەشوۋىن, «ورتالىق ازيادان شىققان داۋىستار» تاقىرىپتىق سەرياسىن – ءوڭىردىڭ بەلگىلى قايراتكەرلەرىمەن سۇحباتتاردى, ءىرى وڭىرلىك ءىس-شارالاردى قامتيتىن «فوكۋس» رەپورتاجدارىنىڭ بىرقاتارىن كورسەتۋگە كىرىستى», دەدى ا. بالاەۆا.
سونىمەن قاتار ول مينيسترلىكتىڭ ورتالىق ازيا ەلدەرىمەن تاريحي جانە مادەني مۇرامىزدى, ساۋدا-ەكونوميكالىق جانە تۋريستىك الەۋەتىمىزدى كورسەتۋگە باعىتتالعان بىرلەسكەن مەدياجوبالاردى جاساۋ بويىنشا حالىقارالىق ارىپتەستەردى تارتۋ جۇمىسىن جۇرگىزۋگە نيەتتى ەكەنىن جەتكىزدى.
