«قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگى 2025 جىلعى 18 ساۋىردەن باستاپ شەتەلدىك ازاماتتار ءۇشىن جەكە سايكەستەندىرۋ ءنومىرىن رەسىمدەۋگە جانە ونىڭ ناتيجەلەرىن بەرۋگە وتىنىشتەردى قابىلداۋ جونىندەگى پيلوتتىق جوبانى قايتا باستايدى», دەلىنگەن اقپاراتتا.
مەملەكەتتىك قىزمەتتى العىسى كەلەتىن ازامات قازاقستان رەسپۋبليكاسىنىڭ شەت ەلدەردەگى مەكەمەسىنە نەمەسە مينيسترلىككە جەكە ءوزى جۇگىنەدى.
«ەگەر كورسەتىلەتىن قىزمەتتى الۋشىنىڭ جەكە باسىن كۋالاندىراتىن قۇجاتتا كيريلليتسادا نەمەسە لاتىنشا ناقتىلاۋ دەرەكتەرى (تەگى, اتى, اكەسىنىڭ اتى (بار بولعان جاعدايدا), تۋعان جەرى) بولماعان جاعدايدا, قۇجاتتىڭ نوتاريالدى كۋالاندىرىلعان اۋدارماسىن قوسا بەرىلەدى», دەپ ەسكەرتتى.
شەت مەملەكەتتىڭ قۇزىرەتتى مەكەمەسى نە وعان ارنايى ۋاكىلەتتى تۇلعا ءوز قۇزىرەتى شەگىندە جانە بەلگىلەنگەن نىسان بويىنشا بەرگەن نەمەسە كۋالاندىرعان شەت مەملەكەتتىڭ ەلتاڭبالى مورىمەن بەكىتىلگەن قۇجاتتار ارنايى كۋالىك (زاڭداستىرۋ نەمەسە اپوستيلدەۋ) راسىمىنەن وتكەننەن كەيىن عانا قابىلدانادى.
«كورسەتىلەتىن قىزمەتتى الۋشى قۇجاتتار توپتاماسىن تولىق ۇسىنباعان جانە (نەمەسە) قولدانىلۋ مەرزىمى وتكەن قۇجاتتاردى ۇسىنعان جاعدايدا قۇجاتتاردى قابىلداۋدان باس تارتىلادى», دەپ قورىتىندىلادى ۆەدومستۆو.
