بۇدان بۇرىن ءمالىم بولعانداي, تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باسشىسى جاسلان ماديەۆ ەلەكتروموبيلدەردى قولداۋ جانە پيلوتسىز تەحنولوگيالاردى ەنگىزۋ بويىنشا باعدارلاما ازىرلەۋدى ۇسىنعان بولاتىن. مينيستر اتاپ وتكەندەي ۇشقىشسىز تەحنولوگيالاردى سىناۋ ءۇشىن Waymo (Google), Tesla, Baidu, Mobileye, Yandex جانە Huawei سياقتى حالىقارالىق سەرىكتەستەردى تارتۋ جوسپارلانۋدا. جوبا اياسىندا قاناتقاقتى جوبانى ىسكە قوسۋ ءۇشىن تەست الاڭدارى تاڭدالىپ, نورماتيۆتىك قۇقىقتىق اكتىلەر ازىرلەندى. بۇل اۆتونومدى اۆتوموبيلدەرگە ارنالعان كومپونەنتتەردى زەرتتەۋگە, ينفراقۇرىلىمعا جانە وندىرۋگە شەتەلدىك ينۆەستيتسيالاردى تارتۋعا مۇمكىندىك بەرەدى. ۇشقىشسىز تەحنولوگيالاردى, اەروموبيلدەردى پايدالانۋ قالالار قاۋىپسىزدىگىن ارتتىرۋدا جوعارى تيىمدىلىككە يە.
كولىك ءمينيسترى قول قويعان قۇجاتقا سايكەس جۇمىس قالالىق اۋە ۇتقىرلىعىن (Urban Air Mobility) دامىتۋدا نورماتيۆتىك قۇقىقتىق اكتىلەرگە تۇزەتۋلەر پاكەتىن ازىرلەپ, رەسپۋبليكا قالالارىنداعى اۋە ۇتقىرلىعىن (Urban Air Mobility) ەنگىزۋ ماسەلەلەرىن پىسىقتايتىن بولادى. قورعانىس مينيسترلىگى جانە مۇددەلى مەملەكەتتىك ورگاندارمەن بىرلەسىپ, اۋە دالىزدەرىن بەكىتۋدى جانە قالالىق اۋە كەمەلەرىنىڭ قىزمەتىن جۇزەگە اسىرۋ ءۇشىن ۇشۋ اپپاراتتارىن قاۋىپسىز پايدالانۋدى رەگلامەنتتەيتىن ءتيىستى نورمالاردى قابىلداۋدى قامتاماسىز ەتەدى.
الماتى
