«ەگەمەن قازاقستان» ارقاشان ۇلت مۇددەسىن بيىك قويعان, قوعامنىڭ وزەكتى ماسەلەلەرىن قوزعاپ, مەملەكەتتىك ساياساتتى حالىققا دۇرىس جەتكىزۋدە ۇلكەن ءرول اتقارىپ كەلەدى. باسىلىم بەتىنەن الاش ارىستارىنىڭ دا, تاۋەلسىزدىك تۇسىنداعى ۇلى تۇلعالاردىڭ دا تەرەڭ ويلى ماقالالارى ورىن العان.
گازەت تەك جاڭالىق تاراتۋشى عانا ەمەس, قوعامنىڭ تامىرىن ءدوپ باسىپ, وي قوزعاۋشى, باعىت بەرۋشى قۇرال بولا ءبىلدى. ساياسات, ەكونوميكا, مادەنيەت, ءبىلىم بەرۋ, ءتىل ماسەلەسى – قاي تاقىرىپ بولماسىن, «ەگەمەن قازاقستان» ءاردايىم سالماقتى ساراپتامالار جاساپ, وقىرمان نازارىنا ۇسىنىپ وتىر.
