فوتو: kluchimasterstva.ru
جالاقى بويىنشا بەرەشەگى جانە ەڭبەك قۇقىعىنىڭ بۇزىلۋى انىقتالعان كاسىپورىنداردىڭ باسشىلارىنا ورىنداۋعا مىندەتتى 832 ۇيعارىم بەرىلىپ, 98,1 ملن تەڭگەدەن استام سوماعا ايىپپۇل سالىندى. ءتيىستى ءىس-ارەكەتتىڭ, جالاقى بويىنشا بەرەشەكتى وتەۋدىڭ قاتاڭ كەستەلەرى مەن مەرزىمدەرىن بەلگىلەۋدىڭ ناتيجەسىندە 1,1 جۇمىسكەردىڭ قۇقىقتارى قورعالدى. ولارعا 241,8 ملن تەڭگە تولەندى.
ەڭبەك زاڭناماسىنىڭ ساقتالۋىنا مەملەكەتتىك باقىلاۋدى قامتاماسىز ەتۋ ماسەلەلەرى ەڭبەك جانە حالىقتى الەۋمەتتىك قورعاۋ مينيسترلىگىنىڭ ەرەكشە باقىلاۋىندا. بيىلعى 1 ساۋىردەگى دەرەك بويىنشا مەملەكەتتىك ەڭبەك ينسپەكتورلارى 1332 تەكسەرۋ جۇرگىزدى, ونىڭ بارىسىندا 1616 بۇزۋشىلىق (ەڭبەك سالاسىندا – 1332, ەڭبەك قاۋىپسىزدىگى جانە ەڭبەكتى قورعاۋ بويىنشا – 272, حالىقتى جۇمىسپەن قامتۋ بويىنشا – 12) انىقتالدى. ءسويتىپ, قابىلدانعان شارالاردىڭ ناتيجەسىندە 10 مىڭ جۇمىسكەردىڭ ەڭبەك قۇقىعى قورعالدى.
