حەرد پەن ماكدونالد – ادام مەكەن ەتپەيتىن, انتاركتيداعا جاقىن, قار مەن مۇز جاپقان تابيعي اۋماقتار. ارالدار اۆستراليانىڭ مەنشىگى رەتىندە سانالادى جانە يۋنەسكو-نىڭ بۇكىلالەمدىك مۇرالار تىزىمىنە ەنگەن. ترامپ اكىمشىلىگى وسى ارالداردىڭ اۆسترالياعا تيەسىلى ەكەنىن نەگىزگە الا وتىرىپ, ولاردى دا كەدەندىك باج سالىعىنا سالىناتىن اۋماقتار تىزىمىنە ەنگىزگەن. حەرد ارالىندا ادامدار XIX عاسىردا يتبالىق اۋلاۋعا ءارى 1947-1955 جىلدار ارالىعىنداعى عىلىمي زەرتتەۋلەرمەن عانا بارعان.
ال ماكدونالد ارالىن ادامدار تەك ەكى رەت قانا باسىپ وتكەن. وسى تابيعي قورىق ايماعى سيرەك كەزدەسەتىن قۇس تۇرلەرى مەن تەڭىز جانۋارلارىنىڭ مەكەنى. ارالداردى اۆستراليا ۇكىمەتىنىڭ انتاركتيكالىق ءبولىمى قاتاڭ قورعالاتىن تابيعي ايماق رەتىندە باسقارادى.
ەسكە سالا كەتەيىك, دونالد ترامپ اقش-تىڭ 185 ەل مەن اۋماققا تاريف ەنگىزەتىنىن مالىمدەدى. بۇل تىزىمگە قازاقستان دا كىردى.
