الماتى وبلىسى تىلدەردى دامىتۋ باسقارماسىنىڭ مالىمەتىنشە, چات-بوت قۇرامىندا قازاق ءتىلىن مەڭگەرۋدىڭ ءتورت دەڭگەيىن قامتيتىن 100 ساعاتتىق وقۋ باعدارلاماسى مەن ءىس جۇرگىزۋ كۋرستارى بار. قازىرگى ۋاقىتتا جۇيەگە 3 146 ادام تىركەلگەن, ولاردىڭ 58 پايىزى وبلىستىڭ شالعاي اۋداندارىندا تۇرادى.
«باستى ماقساتىمىز – قازاق ءتىلىن ۇيرەنۋدى ءار ازاماتقا, ونىڭ تۇرعىلىقتى جەرىنە قاراماستان, قولجەتىمدى ەتۋ. «TilOquBot» ءوزىنىڭ تيىمدىلىگىن دالەلدەدى, ەندى ەڭ شالعاي اۋىل تۇرعىندارىنىڭ ءوزى ىڭعايلى فورماتتا ءبىلىم الا الادى. بۇل – تسيفرلىق ترانسفورماتسيا جاعدايىندا ەرەكشە ماڭىزدى», دەدى تىلدەردى دامىتۋ باسقارماسىنىڭ باسشىسى دانيار احمەتوۆ.
ونىڭ ايتۋىنشا, چات-بوت مەملەكەتتىك ءتىل ساياساتىن جۇزەگە اسىرۋ جولىنداعى كەشەندى جۇمىستىڭ ءبىر بولىگىنە اينالدى. تسيفرلىق جوبالارمەن قاتار, وبلىستا تىلدەر فەستيۆالىنە دايىندىق باستالعان.
اتالعان شارا اياسىندا ءتۇرلى بايقاۋلار, ۇزدىك وقىتۋشىلار مەن بەلسەندىلەردى ماراپاتتاۋ, سونداي-اق مەملەكەتتىك ءتىلدى ناسيحاتتاۋعا باعىتتالعان كرەاتيۆتى جوبالاردى قولداۋ جوسپارلانىپ وتىر.
ء«بىز ءاربىر ازاماتتىڭ قازاق ءتىلىن دامىتۋ ىسىنە ۇلەس قوسىپ جاتقانىن سەزىنۋىنە جاعداي جاساۋعا تىرىسامىز. بۇگىندە ءتىل – تەك ءداستۇر مەن مادەنيەتتىڭ كورىنىسى عانا ەمەس, سونىمەن قاتار تەحنولوگيا, جاڭا فورماتتار مەن جاستاردىڭ الەمى. «TilOquBot» – وسى زامان تالابىنا ساي كەلەتىن, قۇندىلىقتار مەن ءتىلدى ۇشتاستىراتىن تاماشا مىسال», دەپ تۇيىندەدى احمەتوۆ.
باسقارما وكىلدەرىنىڭ حابارلاۋىنشا, قىركۇيەك ايىندا ۇيعىر اۋدانىندا ءتىل فەستيۆالىنىڭ قورىتىندى شاراسى وتەدى. التى نوميناتسيا بويىنشا جەڭىمپازدار انىقتالىپ, ولارعا 300 مىڭنان 1,5 ميلليون تەڭگەگە دەيىنگى اقشالاي سىيلىقتار تابىستالماق.
الماتى وبلىسى
