فوتو: Instagram
اتاپ ايتقاندا, ول Instagram جەلىسىندە وتاندىق اۆتورلاردىڭ مۋزىكالىق شىعارمالارىنىڭ شەكتەلۋى قوعامدىق رەزونانس تۋدىرعانىن اتاپ ءوتتى. بۇل قۇقىق يەلەنۋشىلەردىڭ وزدەرى دە, پلاتفورمانى ءوزىن-ءوزى كورسەتۋ, شىعارماشىلىق جانە مادەني مازمۇندى ناسيحاتتاۋ ءۇشىن بەلسەندى پايدالاناتىن كەڭ اۋديتوريا تاراپىنان الاڭداۋشىلىق تۋدىرعان ەدى.
بۇدان باسقا, ش.ابدىرەەۆا وتاندىق اۆتورلار مەن ورىنداۋشىلاردىڭ مۋزىكاسىنىڭ جوعالۋىنا اكەلگەن قۇقىقتىق سەبەپتەردى ءتۇسىندىردى. اۆتورلىق قۇقىق تۋرالى زاڭىنا سايكەس مۋزىكالىق تۋىندىلاردى اۆتورلار مەن قۇقىق يەلەنۋشىلەر تاراپىنان ءتيىستى كەلىسىم بولعان كەزدە عانا پايدالانۋعا جول بەرىلەدى.
سونىمەن قاتار, ول مينيسترلىكتىڭ بەلسەندى قولداۋىمەن, سونداي-اق مeta كومپانياسى مەن «قازاقستاندىق اۆتورلىق قوعام» رقب اراسىنداعى سىندارلى ءوزارا ءىس-قيمىلدىڭ ارقاسىندا تاراپتار Instagram جانە Facebook پلاتفورمالارىندا وتاندىق مۋزىكانى پايدالانۋ ماسەلەسىن رەتتەيتىن شارتقا قول قويعانىن اتاپ ءوتتى.
ءباسپاسوز كونفەرەنتسياسىنا قاتىسۋشىلار قول جەتكىزىلگەن ۋاعدالاستىق ودان ءارى ورنىقتى ىنتىماقتاستىق ءۇشىن نەگىز بولاتىنىن, قازاقستان اۆتورلارى مەن ورىنداۋشىلارى ءۇشىن جاڭا مۇمكىندىكتەر اشاتىنىن ءسوز ەتتى.
