فوتو: Turizm jane sport ministrligi
سپورتتىق گيمناستيكا: حورۆاتيانىڭ وسيەك قالاسىندا الەم كۋبوگى كەزەڭىندە قازاقستان قۇراماسى سپورتشىلارى ءۇش مەدال جەڭىپ الدى. ميلاد كاريمي كەرمەدەگى جاتتىعۋدا توپ جارىپ, ەركىن جاتتىعۋدا قولا جۇلدەنى ەنشىلەدى. ال ناريمان قۇربانوۆ تۇتقالى ات باعدارلاماسىندا ءۇشىنشى ورىنعا يە بولدى.
تەننيس: قازاقستاننىڭ ايەلدەر جانە 14 جاسقا دەيىنگى جاسوسپىرىمدەر قۇراماسى الەم چەمپيوناتىنا جولداما الدى. ايەلدەر كومانداسى كەزەكتى رەت بيللي دجين كينگ كۋبوگىنىڭ, ال جاسوسپىرىمدەر كومانداسى ەل تاريحىندا ەكىنشى رەت الەم بىرىنشىلىگىنىڭ فينالدىق كەزەڭىنە جولداما الدى.
تاەكۆوندو: سەربيانىڭ بەلگراد قالاسىندا وتكەن Serbia Open G1 حالىقارالىق تۋرنيرىندە قازاقستاننىڭ كادەتتەر جانە جاسوسپىرىمدەر قۇرامالارى 11 مەدال ولجالاپ, جالپى كوماندالىق ەسەپتە ءبىرىنشى ورىندى يەلەندى.
