وڭىرلىك كوممۋنيكاتسيالار قىزمەتى الاڭىندا باق وكىلدەرىمەن كەزدەسكەن سىبايلاس جەمقورلىققا قارسى ءىس-قيمىل اگەنتتىنىنىڭ جامبىل وبلىسى بويىنشا دەپارتامەنتىنىڭ باسشىسى ەرنار ماقاجانوۆتىڭ ايتۋىنشا, وسى جىلدىڭ العاشقى ءۇش ايىندا مەملەكەتتىك ورگانداردىڭ 102 ساتىپ الۋ جوسپارى قايتا قارالعان. ناتيجەسىندە 854 ملن بيۋدجەت قاراجاتى ۇنەمدەلگەن.
«مەملەكەتتىك ساتىپ الۋ سالاسىنا جۇرگىزىلگەن مونيتورينگ بارىسىندا مەركى اۋدانىنداعى بىرقاتار اۋىلدىق وكرۋگ اكىمدەرى تاراپىنان زاڭ بۇزۋشىلىقتاردىڭ جۇيەلى سيپاتى انىقتالىپ, مەملەكەتتىك ساتىپ الۋ شارتتارى نەگىزسىز تۇردە ءبىر كوزدەن تىكەلەي جاساسۋ تاسىلىمەن راسىمدەلگەنى بەلگىلى بولدى. ناتيجەسىندە مەركى اۋدانىنىڭ 6 اۋىلدىق وكرۋگى اكىمى اكىمشىلىك جاۋاپكەرشىلىككە تارتىلىپ, 12 اكىمشىلىك قۇقىق بۇزۋشىلىق ءۇشىن جالپى سوماسى 2,3 ملن تەڭگە كولەمىندە ايىپپۇل سالىندى», دەيدى ە. ماقاجانوۆ.
