بۇلار كلينيكالىق جانە ەپيدەميولوگيالىق كورسەتكىش بوپ تابىلادى. سونىڭ ىشىندە ساپالى جانە سەزىمتالدىعى جوعارى تالداۋعا يحلت دياگنوستيكاسى جاتادى. بۇل ءادىستىڭ اۋقىمى جىلدان جىلعا كەڭەيىپ كەلەدى. ماسەلەن يحلت ارقىلى 2022 جىلى – 56411 تەكسەرۋ جۇرگىزىلسە, بىلتىر ونىڭ سانى - 133459 كوبەيگەن.
ايتۆ-عا تەكسەرىلۋشىلەر قاتارىنىڭ ارتۋىنا بايلانىستى شىمكەنت قالاسى جيتس ورتالىعىنىڭ دياگنوستيكالىق زەرتحاناسىندا بيىل ءساۋىر ايىنان باستاپ بۇرىنعى اپپارات MAGLUMI 2000 Plus يحلا-نىڭ ورنىنا جاڭا جەتىلدىرىلگەن ءتۇرى MAGLUMI X3 اۆتوماتتى يحلا قوندىرعىسى ىسكە قوسىلدى.
MAGLUMI X3 – مەديتسينالىق زەرتحانالاردا حەميليۋمينەستسەنتسيالىق يممۋندىق تالداۋ (CLIA) ارقىلى دياگنوستيكا جۇرگىزەتىن اناليزاتور. ول ءارتۇرلى اۋرۋلاردى تابۋعا كومەكتەسەدى. گورمون, ۆيتامين, اقۋىز سول سەكىلدى قانداعى ءارتۇرلى بيوماركەرلەردىڭ دەڭگەيىن انىقتايدى. ياعني كەڭ اۋقىمدى سىناقتار جۇرگىزەدى.
سونىمەن قاتار MAGLUMI X3 – ءجيى جۇقپالى اۋرۋلاردى, قالقانشا بەزىنىڭ اۋرۋلارىن, كارديولوگييالىق جانە ونكولوگيالىق دەرتتەردى دياگنوستيكالاپ بەرەدى. ونىڭ باستى ەرەكشەلىگى جوعارى سەزىمتالدىعى مەن دالدىگىندە. زەرتحانا ماماندارى ءۇشىن اپپارات تاپتىرماس قۇرال.
اتالمىش اناليزاتور يفا-مەن سالىستىرعاندا تالدامانى ءدال ورىندايدى جانە تەرەڭ تەكسەرەدى. ويتكەنى ولشەۋ جۇيەسى «تىكەلەي» يممۋنوحيليۋمينەستسەنتسياعا نەگىزدەلگەن. اناليزاتور انتيگەننىڭ وپتيكالىق تىعىزدىعىن, سوسىن انتيدەنەنىڭ تىعىزدىعىن بولەك-بولەك ساناپ ناتيجەسىن شىعارادى. ناۋقاستىڭ ايتۆ-نى جاقىن ارادا جۇقتىرعانىن وڭ ناتيجە كورسەتكەن انتيگەنىنىڭ وپتيكالىق تىعىزدىعىن سالىستىرمالى تالداۋ ارقىلى بىلۋگە بولادى.
اناليزاتوردىڭ تاعى ءبىر ارتىقشىلىعى ء بىرىنشى اناليز قورىتىندىسىن 55 مينۋتتان كەيىن دايىن ەتەدى. كەلەسى قان سىناما ناتيجەلەرى 20 سەكۋند سايىن شىعىپ وتىرادى. بۇل اپپارات تولىق اۆتوماتتى رەجيمدە جۇمىس ىستەپ, بيولوگيالىق ماتەريالدىڭ (قاننىڭ) ءبىر-بىرىمەن ارالاسىپ كەتۋىنە جول بەرمەيدى, زەرتحاناشىنىڭ شاتاسىپ كەتۋ مۇمكىندىگىن بولدىرمايدى. ءوندىرىس قۋاتى ساعاتىنا 200 تالداۋ جاساۋعا قاۋقارلى.
قىسقاسى MAGLUMI X3 زەرتحانانىڭ وندىرىستىك قۋاتىن ارتتىرۋعا, سەرونەگاتيۆتى تەرەزە كەزەڭىن 2-3 اپتاعا دەيىن قىسقارتۋعا, سونداي-اق كۇماندى ناتيجەلەر سانىن ازايتۋعا مۇمكىندىك بەرەدى.
