مىسالى, ناۋرىزدىڭ 22-28-ءى ارالىعىندا قوناەۆ قالالىق پوليتسيا ءبولىمى اكىمشىلىك قۇقىق بۇزۋشىلىق تۋرالى كودەكسىنىڭ (اقبتك) 434-2-بابىنا (ورتاق پايدالانىلاتىن ورىنداردى لاستاۋ) سايكەس, 24 حاتتاما تولتىرىپ, 943 680 تەڭگەدەن استام سوماعا ايىپپۇل سالدى.
ودان بولەك, اقبتك-ءنىڭ 505-بابىنا (قالالار مەن ەلدi مەكەندەردiڭ اۋماقتارىن اباتتاندىرۋ قاعيدالارىن بۇزۋ, سونداي-اق قالالار مەن ەلدى مەكەندەر ينفراقۇرىلىمى وبەكتىلەرىن بۇزۋ, جاسىل ەكپەلەرىن جويۋ جانە ءبۇلدىرۋ) ساي, 67 حاتتاما تولتىرىلىپ, 235 920 تەڭگە ايىپپۇل سالىندى. بارلىق ايىپپۇل سوماسى 1 179 600 ملن تەڭگەدەن استى.
قالا حالقىنا «كوممۋنالدىق قالدىقتاردى باسقارۋ قاعيدالارىن بەكىتۋ تۋرالى» بۇيرىعىنا سايكەس, ءىرى كولەمدى قوقىستار مەن قۇرىلىس قالدىقتارىن شىعارۋعا تۇرعىندار جاۋاپتى ەكەنى قۇلاقتاندىرىلىپ جاتىر.
ەگەر ءسىز زاڭبۇزۋشىلىقتىڭ كۋاگەرى بولساڭىز, 102 نەمەسە 109 نومىرىنە حابارلاسۋ قاجەتتىگى ەسكەرتىلگەن. جالپى جىل باسىنان بەرى سەنبىلىكتەرگە 3000-نان استام ادام قاتىستى. بۇل كورسەتكىشتى ۇلعايتۋ ماقساتىنداعى جۇمىستار جالعاسىن تابا بەرمەك.
