كءۇش اتاسى قاجىمۇقاننىڭ ەسكەرتكىشىنە گۇل قويۋ راسىمىمەن باستالعان ءىس-شارادا اۋدان اكىمى ازات ورالباەۆ ءسوز سويلەپ, الىپ تۇلعانىڭ ەرلىك ەڭبەكتەرىن دارىپتەۋ ماقساتىنداعى جۇمىستارعا توقتالدى. كەزىندە كۇش اتاسىنىڭ 150 جىلدىعى قارساڭىندا پارلامەنت سەناتىنىڭ دەپۋتاتتارى «باتىس ەۋروپا - باتىس قىتاي» اۆتوماگيسترالىنىڭ بويىنان باتىر باباعا مادەني-سپورت كەشەنءىن سالۋ جونىندە ۇكىمەتكە دەپۋتاتتىق ساۋال جولداعان بولاتىن. وسى ماقساتتا قارجى بولىنگەن.
اۋدان اكىمىنىڭ ايتۋىنشا, قاجىمۇقان مۇڭايتپاسوۆ اتىنداعى الىپ عيمارات قۇرىلىسى اياقتالىپ, اشىلۋىنا ساناۋلى كۇندەر قالعان. سونداي-اق ءىس-شارا بارىسىندا قاجىمۇقان بابامىزدىڭ ۇرپاقتارى جانە سپورت قايراتكەرلەرى, اۋىل ارداگەرلەرى ونىڭ ونەگەسى جايلى ايتتى. بالۋاننىڭ ءومىر تاريحىنا ارنالعان بايانداما تىڭدالدى. كءۇيشى قاسىمبەك سارىمبەتوۆتىڭ «قاجىمۇقان» كۇيىنىڭ تۇساۋى كەسىلىپ, اۋداننىڭ قۇرمەتتى ازاماتى قۇرمانالى جىلقىباي جازعان «قاجىمۇقان» ءانى ورىندالدى.
مادەني جيىن اياقتالعان سوڭ كۇش اتاسىنىڭ رۋحىنا ارناپ اس بەرىلدى.
