فوتو: ekaraganda.kz
كوگەرىپ كوكتەم كەلگەننەن كەيىن قىس بويى قار استىندا جاتقان قوقىستى تازالاپ, قالا كوشەلەرىن مۇنتازداي ەتىپ قويدى. قالا ءىشىن اباتتاندىرۋعا بيۋدجەتتەن قاراجات بولىنگەن. قالا اكىمىنىڭ ورىنباسارى نۇرلان سابىروۆتىڭ ايتۋىنا قاراعاندا, قىرۋار شارۋا اتقارىلىپتى.
«تاياۋدا سەنبىلىك ۇيىمداستىرىلعان بولاتىن. ارادا اپتا وتىسىمەن يگى ءىس تاعى جالعاسىپ, جۇزدەن استام ادام ورتاق شارۋاعا قاتىستى. ناتيجەسىندە شامامەن 5 تونناداي قوقىس شىعارىلدى. الداعى ۋاقىتتا كوشەت وتىرعىزىپ, گۇل ەگۋدى جوسپارلاپ وتىرمىز», دەيدى قالا اكىمىنىڭ ورىنباسارى.
اكتسيا اپتا سايىن تۇراقتى وتكىزىلمەك. قالا تۇرعىندارىنىڭ قاجىرلى ەڭبەگىنىڭ ارقاسىندا توڭىرەكتىڭ ءبارى اباتتاندىرىلىپ, كوز سۇيسىنتەردەي كوركەيىپ تۇرسا, ەكىنشى جاعىنان جاس ۇرپاقتى تازالىققا تاربيەلەۋدە سەپتىگى مول. وسى باستان ءوز قالالارىن پەرزەنتى رەتىندە ءسۇيىپ, قامقورلىق جاساۋدى قاپىسىز مەڭگەرسە, ءبىر عانيبەت ەمەس پە؟
