ەكسكۋرسيا اياسىندا 30-دان استام ستۋدەنت قوناەۆ قالاسىنداعى «باعاشار مەكەن» انتيفريز زاۋىتىنا بارىپ, وندىرىستىك تسەحتارمەن, ءونىم دايىنداۋ تەحنولوگياسىمەن, زەرتحانالىق بازا جانە ساپا باقىلاۋ جۇيەسىمەن تانىستى.
ءىس-شارا بارىسىندا كوللەدج, زاۋىت جانە «جاستار رۋحى» اراسىندا ۇشجاقتى مەموراندۋم بەكىتىلدى. قۇجاتقا سايكەس, ستۋدەنتتەر زاۋىتتا وندىرىستىك تاجىريبەدەن ءوتىپ, ۇزدىكتەرى تۇراقتى جۇمىسقا قابىلداناتىن بولادى.
ء«بىزدىڭ ماقساتىمىز – ستۋدەنتتەرگە ناقتى وندىرىستىك ورتادا تاجىريبە جيناۋعا مۇمكىندىك بەرۋ. كوللەدج تۇلەكتەرىن ناقتى جۇمىس ورىندارىمەن قامتاماسىز ەتۋ. ويتكەنى, بۇل – «AMANAT» پارتياسىنىڭ باسىم باعىتتارىنىڭ ءبىرى», دەدى «جاستار رۋحى» الماتى وبلىستىق فيليالىنىڭ توراعاسى مەدەت بەكبەرگەنوۆ.
«باعاشار مەكەن» جشس – قازاقستانداعى انتيفريز وندىرەتىن جالعىز كاسىپورىن. زاۋىت جىلىنا 25 مىڭ تونناعا دەيىن ءونىم شىعارادى, ونى رەسەي, وزبەكستان جانە قىرعىزستانعا ەكسپورتتايدى. مۇندا 200-گە جۋىق ادام جۇمىس ىستەيدى, كوپشىلىگى – جەرگىلىكتى تۇرعىندار.
ايتا كەتەيىك, بيىل «جاستار رۋحى» باستاماسىمەن الماتى وبلىسىندا 6 ءوندىرىس ورنىنا ەكسكۋرسيا ۇيىمداستىرىلىپ, وعان 100-دەن استام ستۋدەنت بەلسەنە قاتىستى.
جىل سوڭىنا دەيىن 20 كوللەدجبەن مەموراندۋم جاسالىپ, كەمىندە 500 ستۋدەنت وندىرىستىك تاجىريبەگە جانە جۇمىسقا ورنالاسۋ مۇمكىندىگىنە يە بولماق.
