بىلتىرعى ەسىل وزەنىنىڭ تاسقىنى كەزىندە كاسىپكەر ەۆاكۋاتسيالىق پۋنكتتەرگە ورنالاستىرىلعان سۋ باسقان ۇيلەردىڭ تۇرعىندارىن 29 ملن تەڭگەگە تاماقتاندىرعان ەكەن. جانتالاسقان قيىن شاقتا اكىمدىكپەن اراداعى ەكىجاقتى شارت تولىق راسىمدەلمەگەن. اتاپ ايتقاندا قازىناشىلىق ورگاندارىنا تىركەلمەگەن. الايدا كاسىپكەر ءوزىنىڭ مىندەتىن ورىنداپ, قونىستانۋشىلاردى تاماقتاندىرعان. بۇل تۋرالى ونىڭ قولىندا جۇمىستى اتقارعاندىعى تۋرالى اكتىلەر بار. ەشكىم اش قالدىق دەپ شاعىمدانباعان.
بىراق ەندى «قار جاۋىپ, ءىز باسىلدى» دەگەندەي, قىسىلتاياڭ شاقتا وزدەرىنە قول ءۇشىن بەرىپ, حالىقتى تاماقتاندىرعان كاسىپكەردى اكىمدىكتىڭ شەنەۋنىكتەرى اۋرە-سارساڭعا سالىپ, كەلىسىمشارتتىڭ قازىناشىلىقتا تىركەلمەگەنىن سىلتاۋراتىپ, اقىسىن تولەمەي وتىرعان كورىنەدى. بەزبۇيرەكتىكتىڭ وسىنداي دا ءتۇرى بولادى ەكەن. بۇل ناعىز تورەشىلدىك قوي. ەگەر مەملەكەت قاراجاتىنىڭ ورىندى جۇمسالعانىن بىلىگىسى كەلسە سول كەزدە تاماقتانعان جۇزدەگەن ادامنىڭ كۋاگەرلىگىن سۇراتپاي ما؟ كەزىندە وزدەرى «تاماقپەن قامتاماسىز ەتتى» دەگەن اكتىلەرگە قول قويعاندا نەگە «كەلىسىمشارت قازىناشىلىققا تىركەلمەپتى» دەپ سۇراماپتى. قىسقاسى, ادامدى اۋرە-سارساڭعا سالىپ, سوتقا جۇگىنتىپ, ونداعىلار دا تورەشىلدىكتى قولداپ, جازىقسىز كاسىپكەرگە جازا شەكتىرىپ وتىرعان كورىنەدى.
ايدوس جاناش ۇلى ەندى كاسىپكەردىڭ ەندى وبلىستىق پروكۋراتۋراعا شاعىنعانىن جەتكىزدى. «سول جەردەن ءبىر ادىلدىك بولاتىن شىعار دەپ ۇمىتتەنەمىز», دەدى ول.
پەتروپاۆل
